ગુજરાતના વન અને પર્યાવરણ વિભાગમાં ફરજ બજાવતા કર્મચારીઓ માટે આનંદના સમાચાર આવ્યા છે. રાજ્યના વિવિધ જિલ્લાઓમાં સ્થિત અગ્ર મુખ્ય વન સંરક્ષકની કચેરીઓમાં કાર્યરત 73 કર્મચારીઓને હંગામી ધોરણે બઢતી આપવામાં આવી છે. આ બઢતીમાં કાળીયાર રાષ્ટ્રીય ઉદ્યાન-વેળાવદર, જામનગરના મરીન નેશનલ પાર્ક, ગાંધીનગર વન્યજીવ વર્તુળ, રાજકોટ અને સુરેન્દ્રનગર જેવા વિસ્તારોમાં કાર્યરત વન વિભાગના કર્મચારીઓનો સમાવેશ થાય છે. આ નિર્ણયથી કર્મચારીઓમાં ખુશીનો માહોલ જોવા મળી રહ્યો છે, અને તેમની કામગીરીને વધુ પ્રોત્સાહન મળશે તેવી આશા વ્યક્ત કરવામાં આવી રહી છે.
