લોસ એન્જેલીસઃ બોલીવૂડ અભિનેત્રી પ્રિયંકા ચોપરાએ અમેરિકન પોપ ગાયક અને અભિનેતા નિક જોનસ સાથે તેણે કરેલા લગ્ન વિશે એક મુલાકાતમાં ઘણી બધી વાતો ખુલ્લા મનથી કરી છે. તેણે કહ્યું છે કે પોતે નિક સાથે ઘણા બાળકોને પેદા કરવા ઈચ્છે છે. ઘણા એટલે કેટલા બાળકો? એમ પૂછ્યું તો પ્રિયંકાએ કહ્યું કે, જેટલા હું કરી શકું એટલા. એક ક્રિકેટ ટીમ બને એટલા.
પ્રિયંકા અને નિક વચ્ચે ઉંમરમાં 10 વર્ષનો ફરક છે. પ્રિયંકા 38 વર્ષની છે તો નિક 28 વર્ષનો. પ્રિયંકા અને નિક જોનસે સગાઈ કર્યાના પાંચ મહિના બાદ, 2018ના ડિસેમ્બરમાં ભારતીય અને ખ્રિસ્તી, એમ બંને વિધિથી લગ્ન કર્યા હતા.
