‘ઈમર્જન્સી’માં કંગના બનશે ઈન્દિરા ગાંધી

મુંબઈઃ બોલીવુડ અભિનેત્રી કંગના રણોતે આગામી બાયોપિક ફિલ્મ ‘ઈમર્જન્સી’ માટેની તૈયારી શરૂ કરી દીધી છે. આ ફિલ્મ ભૂતપૂર્વ વડાં પ્રધાન સ્વ. ઈન્દિરા ગાંધીનાં જીવન પર આધારિત હશે. ફિલ્મનું દિગ્દર્શન કરશે સાઈ કબીર. આ ફિલ્મનું નિર્માણ કંગનાએ સ્થાપેલી ફિલ્મ પ્રોડક્શન કંપની ‘મણિકર્ણિકા ફિલ્મ્સ’ કરશે.

મણિકર્ણિકા ફિલ્મ્સના સત્તાવાર હેન્ડલ પર એક વિડિયો પોસ્ટ કરવામાં આવ્યો છે જેમાં કંગનાને આ ફિલ્મમાં પોતાની શીર્ષક ભૂમિકા માટેનું ફોટો-શૂટ કરાવતી જોઈ શકાય છે. પોસ્ટની કેપ્શનમાં લખ્યું છેઃ ‘ક્વીન તૈયાર થઈ રહી છે મેડમ પ્રાઈમ મિનિસ્ટર ઈમર્જન્સી ઈન્દિરા બનવા માટે.’ પોતાનાં પ્રોડક્શન હાઉસની આ પહેલી જ ફિલ્મ હશે. કંગના આ ઉપરાંત એક વધુ બાયોપિક ફિલ્મ પણ કરી રહી છે, જેનું નામ છે ‘થલાઈવી’, જે ફિલ્મ તામિલનાડુનાં સદ્દગત મુખ્ય પ્રધાન જયલલિતાનાં જીવન પર આધારિત છે. આ ઉપરાંત તેણે ‘ધાકડ’ ફિલ્મનું પણ શૂટિંગ કરી રહી છે જેમાં તે એક મહિલા હત્યારીનો રોલ કરી રહી છે. ‘તેજસ’ ફિલ્મમાં એ મહિલા પાઈલટની ભૂમિકામાં જોવા મળશે.

આ તસવીરોમાં કંગના ‘ઈમર્જન્સી’ ફિલ્મમાં ઈન્દિરા ગાંધીનો રોલ ભજવવા માટે બોડી સ્કેન કરાવી રહી છે

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]