મુંબઈના વાનખેડે સ્ટેડિયમમાં સાઉથ આફ્રિકાએ વર્લ્ડ ચેમ્પિયન ઈંગ્લેન્ડને હરાવીને ઈતિહાસ રચ્યો હતો. હેનરિક ક્લાસેન (67 બોલ, 109 રન)ની તોફાની સદી બાદ બોલરોના વિસ્ફોટક પ્રદર્શનને કારણે દક્ષિણ આફ્રિકાએ ઈંગ્લેન્ડને 229 રનથી હરાવ્યું. ODI ક્રિકેટના ઈતિહાસમાં ઈંગ્લેન્ડની આ સૌથી મોટી હાર છે. પ્રથમ બેટિંગ કરીને દક્ષિણ આફ્રિકાએ 50 ઓવરમાં 7 વિકેટે 399 રન બનાવ્યા હતા. જવાબમાં ઈંગ્લેન્ડની ટીમ 170 રન જ બનાવી શકી હતી. ઈંગ્લેન્ડે માત્ર 100 રનમાં 8 વિકેટ ગુમાવી દીધી હતી. આ પછી માર્ક વૂડ 43 અણનમ અને ગસ એટકિન્સન 35એ હારનું માર્જિન ઘટાડી દીધું હતું. આ વર્લ્ડ કપમાં ડિફેન્ડિંગ ચેમ્પિયન ઈંગ્લેન્ડની આ ત્રીજી હાર છે.
South Africa get back to winning ways in style 🪄
Details 👇#CWC23 | #ENGvSAhttps://t.co/gAzjB07KyI
— ICC (@ICC) October 21, 2023
ઈંગ્લેન્ડના તમામ બેટ્સમેનો ફ્લોપ રહ્યા હતા
દક્ષિણ આફ્રિકા દ્વારા આપવામાં આવેલા 400 રનના લક્ષ્યાંકનો પીછો કરતી વખતે ઈંગ્લેન્ડના તમામ બેટ્સમેનો ફ્લોપ રહ્યા હતા. કોઈ ઈંગ્લિશ બેટ્સમેન લડતો જોવા મળ્યો ન હતો. પ્રથમ જોની બેરસ્ટો 10 રન બનાવીને આઉટ થયો હતો. આ પછી જો રૂટ 02 રન અને ડેવિડ મલાન 06 રન બનાવીને પેવેલિયન પરત ફર્યા હતા. બેયરસ્ટોને લુંગી એનગિડીએ આઉટ કર્યો હતો જ્યારે રૂટ અને માલનને યાનસેને પેવેલિયન મોકલ્યા હતા. 24 રનમાં ત્રણ વિકેટ પડી ગયા બાદ બધાની નજર બેન સ્ટોક્સ પર હતી, પરંતુ તે પણ આફ્રિકન બોલરોનો વધુ સમય સુધી સામનો કરી શક્યો નહીં. સ્ટોક્સ પાંચ રન બનાવીને રબાડાની બોલિંગ પર આઉટ થયો હતો. આ પછી જોસ બટલર અને હેરી બ્રુકે મોટા શોટ રમ્યા, પરંતુ આ બંને ખેલાડીઓ વધુ સમય સુધી ક્રિઝ પર ટકી શક્યા નહીં.
A devastating century 💯
It was an outstanding team performance but Heinrich Klaasen is your @aramco #POTM for his outstanding knock of 109 off 67 balls 💥 #CWC23 #ENGvSA pic.twitter.com/65vappWWdI
— ICC (@ICC) October 21, 2023
જોસ બટલર સાત બોલમાં બે ચોગ્ગા અને એક છગ્ગાની મદદથી 15 રન બનાવીને આઉટ થયો હતો. જ્યારે હેરી બ્રુકે બે ચોગ્ગા અને એક છગ્ગાની મદદથી 17 રન બનાવ્યા હતા. આ પછી ડેવિડ વિલી 12 રન બનાવીને આઉટ થયો હતો અને આદિલ રાશિદ 10 રન બનાવીને આઉટ થયો હતો. આ રીતે ઈંગ્લેન્ડે માત્ર 100 રનમાં આઠ વિકેટ ગુમાવી દીધી હતી. રીસ ટોપલી ઈજાગ્રસ્ત હતો, તેથી દક્ષિણ આફ્રિકાને જીતવા માટે માત્ર 9 વિકેટ લેવાની હતી. જોકે, માર્ક વૂડે 17 બોલમાં 2 ચોગ્ગા અને 5 છગ્ગાની મદદથી અણનમ 43 રન અને ગસ એટકિન્સને 21 બોલમાં સાત ચોગ્ગાની મદદથી 35 રન ફટકારીને હારનું અંતર ઓછું કર્યું હતું.
A monumental victory for South Africa against England 🤯#CWC23 #ENGvSA pic.twitter.com/7RXyGstGED
— ICC (@ICC) October 21, 2023
દક્ષિણ આફ્રિકા માટે લુંગી એનગિડીએ પાંચ ઓવરમાં એક મેડન આપીને 26 રન આપીને બે વિકેટ લીધી હતી. જ્યારે માર્કો યાનસેને 35 રનમાં બે વિકેટ ઝડપી હતી. આ સિવાય ગેરાલ્ડ કોએત્ઝીને ત્રણ સફળતા મળી. તેણે ચાર ઓવરમાં 35 રન આપ્યા હતા. આ પહેલા બેટિંગ કરતા હેનરિક ક્લાસને દક્ષિણ આફ્રિકા તરફથી 109 રનની શાનદાર ઇનિંગ રમી હતી. જ્યારે રીઝા હેન્ડ્રિક્સે 85 રન, વેન ડેર ડ્યુસેને 60 રન અને માર્કો જેન્સને 75 અણનમ રન બનાવ્યા હતા.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)