તુર્કી અને સીરિયા બાદ હવે ફિજીની ધરતી ધ્રૂજતી હોવાના સમાચાર છે. જો કે હજુ સુધી કોઈ જાનહાની થઈ નથી. નેશનલ સેન્ટર ફોર સિસ્મોલોજી (NCS)ના જણાવ્યા અનુસાર મંગળવારે ફિજીમાં 6.3ની તીવ્રતાનો ભૂકંપ આવ્યો હતો. તમને જણાવી દઈએ કે, ફિજી દક્ષિણ પેસિફિકમાં આવેલો દેશ છે. તે 300 થી વધુ ટાપુઓનો દ્વીપસમૂહ છે. NCSએ જણાવ્યું કે ભૂકંપ સવારે 10 વાગ્યાની આસપાસ આવ્યો હતો. તેનું કેન્દ્ર પૃથ્વીની નીચે 569 કિલોમીટરની ઊંડાઈ પર છે. અત્યાર સુધી કોઈ જાનહાનિના સમાચાર નથી.
Earthquake of magnitude 6.3 strikes Fiji
Read @ANI Story | https://t.co/lILm5GRTtF#BreakingNews #earthquake #Fiji #Fijiearthquake pic.twitter.com/2o8hKdKjvb
— ANI Digital (@ani_digital) April 18, 2023
મીડિયા રિપોર્ટ્સ અનુસાર, એક અઠવાડિયામાં આ બીજો ભૂકંપ છે. અગાઉ, ગુરુવારે ફિજીમાં રિક્ટર સ્કેલ પર 4.3 માપનો ભૂકંપ આવ્યો હતો, યુનાઇટેડ સ્ટેટ્સ જીઓલોજિકલ સર્વે (USGS) એ માહિતી આપી હતી. તે જ સમયે, અગાઉ 6 ફેબ્રુઆરીએ તુર્કી અને સીરિયામાં તીવ્ર ભૂકંપના કારણે તબાહી સર્જાઈ હતી. જેમાં 50 હજારથી વધુ લોકોના મોત થયા હતા.
