ડિરેક્ટોરેટ જનરલ ઓફ સિવિલ એવિએશન (DGCA) એ ગો એર પર 10 લાખ રૂપિયાનો દંડ ફટકાર્યો છે. 9 જાન્યુઆરીના રોજ, બેંગ્લોર-દિલ્હી ફ્લાઇટમાં, ગો એરના વિમાને 55 મુસાફરોને બેંગ્લોરમાં છોડીને દિલ્હી જવા માટે ઉડાન ભરી હતી. એરલાઇનની તપાસમાં જાણવા મળ્યું છે કે ગો એરના કોમ્યુનિકેશનમાં સમસ્યા હતી. હવે DGCAએ ગો એર પર 10 લાખ રૂપિયાનો દંડ લગાવ્યો છે. તમને જણાવી દઈએ કે, હાલમાં જ DGCAએ એર ઈન્ડિયા પર પેશાબ વિવાદ માટે 50 લાખ રૂપિયાનો દંડ લગાવ્યો હતો.
https://twitter.com/ani_digital/status/1618940172598644739
ગો એરની G8-116 બેંગલુરુ-દિલ્હી ફ્લાઈટ 55 મુસાફરો વિના રવાના થઈ ત્યારે એરલાઈન કંપની ગો એરની મોટી બેદરકારી સામે આવી. વિમાનમાં મુસાફરી કરી રહેલા 55 મુસાફરોએ ચેક ઇન અને બોર્ડિંગ પાસ લીધા હતા. પરંતુ ફ્લાઇટ 55 મુસાફરોને લીધા વિના બેંગ્લોરથી ઉપડી હતી. ગો એર દ્વારા આ મામલે તેની આંતરિક તપાસ કરવામાં આવી હતી, જેમાં તે પ્રકાશમાં આવ્યું હતું કે વાતચીતમાં સમસ્યા છે.
