મુંબઈઃ ક્રીપ્ટોકરન્સી માર્કેટમાં સોમવારે અનિશ્ચિતતા વચ્ચે વોલેટિલિટી જોવા મળી હતી. ફેડરલ રિઝર્વ અમેરિકાના અર્થતંત્રને મંદીમાં ગરકાવ થતા બચાવી શકશે કે કેમ એવો રોકાણકારોને પ્રશ્ન પડ્યો છે. બીજી બાજુ, ચીનના નિરાશાજનક આંકડાઓને કારણે એશિયન સ્ટોક્સમાં ઘટાડો નોંધાયો હતો. જોકે, ભારતીય ઇન્ડેક્સ સાધારણ વધ્યા હતા. અમેરિકામાં શેરબજાર નીચું ખૂલવાના સંકેત મળ્યા છે.
ક્રીપ્ટોકરન્સીના રોકાણકારોની અનિશ્ચિતતા ટ્રેડિંગ વોલ્યુમના ઘટાડા પરથી સ્પષ્ટ થતી હતી. બિટકોઇન ચોવીસ કલાકના ગાળામાં 29,600 ડોલરની આસપાસ ટ્રેડ થઈ રહ્યો હતો. ઈથેરિયમમાં 1 ટકાનો ઘટાડો થઈને ભાવ 2,000 ડોલરની નજીક પહોંચ્યો હતો.
ઓલ્ટરનેટિવ કોઇનમાં મિશ્ર વલણ જોવા મળ્યું હતું. કાર્ડાનો અને સોલાનાના નેટિવ કોઇનમાં પાંચ-પાંચ ટકાનો વધારો થયો હતો, જ્યારે અવાલાંશ અને પોલીગોન ઘટ્યા હતા.
અગાઉ, ક્રીપ્ટોવાયરે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 સોમવારે બપોરે ચાર વાગ્યે પૂરા થયેલા ચોવીસ કલાકમાં 0.72 ટકા (294 પોઇન્ટ) વધીને 40,936 પોઇન્ટ બંધ રહ્યો હતો. ઇન્ડેક્સ 40,642 ખૂલીને 43,285 સુધીની ઉપલી અને 40,139 પોઇન્ટની નીચલી સપાટીએ ગયો હતો.
| IC15 ઇન્ડેક્સની હિલચાલ | |||
| ખૂલેલો આંક | ઉપલો આંક | નીચલો આંક | બંધ આંક |
| 40,642 પોઇન્ટ | 43,285 પોઇન્ટ | 40,139 પોઇન્ટ | 40,936 પોઇન્ટ |
|
ડેટાનો સમયઃ 16-5-22ની બપોરે 4.00 (ભારતીય સ્ટાન્ડર્ડ ટાઇમ) |
|||
