મુંબઈઃ અમેરિકાના રોજગારના સાપ્તાહિક આંકડા પ્રોત્સાહક રહેવાને પગલે ક્રીપ્ટોકરન્સી માર્કેટમાં શુક્રવારે સાધારણ વૃદ્ધિ થઈ હતી. માર્કેટના બેન્ચમાર્ક – આઇસી15 ઇનડેક્સના ઘટકોમાંથી એક્સઆરપી, લાઇટકોઇન, પોલીગોન અને ઈથેરિયમ 1થી 3 ટકાની રેન્જમાં વધ્યા હતા, જ્યારે ટ્રોન, સોલાના, અવાલાંશ અને પોલકાડોટમાં મામૂલી ઘટાડો થયો હતો.
દરમિયાન, વર્લ્ડ ઈકોનોમિક ફોરમે ક્રીપ્ટો એસેટના નિયમન માટેનું શ્વેતપત્ર જાહેર કર્યું છે. એણે વૈશ્વિક સ્તરે સહકાર સાધીને નિયમન કરવાની સરકાર તથા ઉદ્યોગને ભલામણ કરી છે. બીજી બાજુ, બીઆઇએસ અને સાત કેન્દ્રીય બેન્કોના સમૂહે રિટેલ સીબીડીસી (સેન્ટ્રલ બેન્ક ડિજિટલ કરન્સી) બાબતે સંશોધનપત્ર રજૂ કર્યું છે.
અગાઉ, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 શુક્રવારે બપોરે ચાર વાગ્યે પૂરા થયેલા ચોવીસ કલાકમાં 0.39 ટકા (144 પોઇન્ટ) વધીને 37,053 પોઇન્ટ બંધ રહ્યો હતો. ઇન્ડેક્સ 36,909 ખૂલીને 37,201ની ઉપલી અને 36,821 પોઇન્ટની નીચલી સપાટીએ ગયો હતો.
