મુંબઈઃ વૈશ્વિક ક્રીપ્ટોકરન્સી માર્કેટમાં પ્રોફિટ બુકિંગને પગલે સોમવારે મોટો ઘટાડો થયો હતો. 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બપોરે ચાર વાગ્યે પૂરા થયેલા ચોવીસ કલાકમાં 3.07 ટકા (1,690 પોઇન્ટ) ઘટીને 53,379 પોઇન્ટ બંધ રહ્યો હતો. ઇન્ડેક્સ 55,069 ખૂલીને 55,859ની ઉપલી અને 51,049 પોઇન્ટની નીચલી સપાટીએ ગયો હતો. ચેઇનલિંક, લાઇટકોઇન, પોલકાડોટ અને યુનિસ્વોપમાં 4થી 6 ટકાની રેન્જમાં ઘટાડો થયો હતો. અવાલાંશ અને ડોઝકોઇનમાં અનુક્રમે 13.28 ટકા અને 0.81 ટકા વૃદ્ધિ થઈ હતી.
દરમિયાન, સિંગાપોર અને ચીનની કેન્દ્રીય બેન્કોએ ચીની સીબીડીસી (સેન્ટ્રલ બેન્ક ડિજિટલ કરન્સી) – ડિજિટલ યુઆનના પ્રાયોગિક ઉપયોગ માટે સમજૂતી કરી છે. સમજૂતી હેઠળ બન્ને દેશોના પર્યટકો ડિજિટલ યુઆનનો ઉપયોગ કરી શકશે. બીજી બાજુ, તાઇવાનની કેન્દ્રીય બેન્કે હોલસેલ સીબીડીસી વિશે અભ્યાસપૂરો કરીને બિઝનેસ તથા શિક્ષણ ક્ષેત્ર પાસેથી પ્રતિભાવ મગાવ્યા છે.
