મુંબઈ તા. 26 ફેબ્રુઆરી, 2020: બોમ્બે સ્ટોક એક્સચેન્જ (બીએસઈ)માં અત્યાર સુધીમાં આઉટસ્ટેન્ડિંગ કમર્શિયલ પેપર્સના 70 ટકા એટલે કે 102 ઈશ્યુઅરોના રૂ.3,00,329 કરોડના કમર્શિયલ પેપર્સના 989 ઈશ્યુઓ લિસ્ટ કરવામાં આવ્યા છે.
બીએસઈ દેશની કંપનીઓને મૂડી એકત્ર કરવામાં સહાય કરી રહ્યું છે. બીએસઈ બોન્ડ પ્લેટફોર્મ જુલાઈ 2016માં લોન્ચ કરવામાં આવ્યું ત્યારથી અત્યાર સુધી (26 ફેબ્રુઆરી, 2020)માં ભારતીય કંપનીઓના રૂ.5,36,282.92 કરોડ (74.83 અબજ યુએસ ડોલર)ના ડેટનું લિસ્ટિંગ કરવામાં આવ્યું છે. આમાંથી બીએસઈએ સફળતાપૂર્વક રૂ.2,95,145 કરોડનું ભંડોળ (41.18 અબજ ડોલર) એકત્ર કરી આશરે 59 ટકા બજાર હિસ્સો પ્રાપ્ત કર્યો છે. છે. નાણાકીય વર્ષ 2019-20માં (26 ફેબ્રુઆરી, 2020) સુધીમાં બીએસઈએ સફળતાપૂર્વક રૂ.10,01,626 કરોડ (139.76 અબજ ડોલર) એકત્ર કર્યા છે.
