ઝોમેટો, સ્વિગીના ઓનલાઈન ફૂડ પર સરકાર નજર રાખશે; નિયમ કડક બનાવ્યા

મુંબઈઃ લોકોને ઝોમેટો અને સ્વિગી મારફત ડિલીવર કરાનાર ખાદ્યપદાર્થોની ગુણવત્તા જળવાઈ રહે એ માટે થર્ડ પાર્ટી ઓડિટ તૈયાર કરવામાં આવી રહ્યું છે. દેશની ફૂડ રેગ્યૂલેટર FSSAI સંસ્થાએ ફૂડ ડિલીવરી પ્લેટફોર્મ્સ માટે નિયમોને કડક બનાવ્યા છે અને આવા પ્લેટફોર્મ્સ દ્વારા ડિલીવર કરાતા ફૂડની ગુણવત્તા પર ચાંપતી નજર રાખવામાં આવશે.

ઝોમેટો અને સ્વિગી થર્ડ પાર્ટી ઓડિટર માટે તૈયાર થઈ રહી છે. આ કંપનીઓને સેલ્ફ ઓડિટ કરવાનું તો ગયા વર્ષે જણાવવામાં આવ્યું જ હતું.

આ બંને કંપનીઓએ આશરે 10 હજાર જેટલી રેસ્ટોરન્ટ્સને ડિલીસ્ટ કરી હતી. આ વખતે ઓડિટનું ફોકસ રહેશે આરોગ્ય (હાઈજીન). તે ઉપરાંત ક્લાઉડ કિચનને પણ ફોકસમાં રાખવામાં આવશે. હાઈજીન માટે 1-5નું રેટિંગ પણ રાખવામાં આવશે.

ચીનની ઈન્ટરનેટ કંપની અલીબાબાની પેટા-કંપની એન્ટ ફાઈનાન્સિયલે ઝોમેટોમાં 15 કરોડ ડોલર (આશરે રૂ. 1,050 કરોડ)નું મૂડીરોકાણ કર્યું છે. આ ઈન્વેસ્ટમેન્ટ માટે ઓનલાઈન ફૂડ ડિલીવરી અને રેસ્ટોરન્ટ એગ્રીગેટર પ્લેટફોર્મ ઝોમેટોનું વેલ્યુએશન 3 અબજ ડોલર (આશરે રૂ. 2,100 કરોડ)નું ગણાયું છે.

ગ્રાહકોને ફૂડ ડિલીવર કરનાર ઝોમેટો અને સ્વિગી કંપનીઓએ છેલ્લા છ મહિનામાં ડિલીવરીના ચાર્જિસમાં વધારો કર્યો છે. ઈકોનોમિક ટાઈમ્સના અહેવાલ અનુસાર, આ કંપનીઓએ ડાઈનેમિક ડિસ્કાઉન્ટ આપવાનું શરૂ કર્યું છે. સાથોસાથ, આ કંપનીઓએ ઓર્ડર રદ કરવાના નિયમો પણ કડક બનાવ્યા છે.

ઝોમેટોએ થોડાક દિવસો પહેલાં ઉબર ઈટ્સ કંપનીને ખરીદી લીધી હતી. એ સોદા અનુસાર, ઉબરને ઝોમેટોના 9.99 ટકા શેર મળ્યા છે. ઝોમેટોના હિસાબે આ શેરની કિંમત 2,500 કરોડ રૂપિયા હોવાનો અંદાજ છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]