GallerySports ઈન્ડોનેશિયા ઓપનમાં સિંધુને રજત મળ્યો… July 21, 2019 ઈન્ડોનેશિયાના જકાર્તામાં 21 જુલાઈ, રવિવારે રમાઈ ગયેલી ઈન્ડોનેશિયા ઓપન BWF Tour Super 1000 સ્પર્ધાની મહિલા સિંગલ્સ ફાઈનલમાં ભારતની પી.વી. સિંધુનો જાપાનની અકેની યામાગુચી સામે 15-21, 16-21થી પરાજય થયો હતો. ચતુર્થ સીડેડ યામાગુચીને ગોલ્ડ અને વર્લ્ડ નંબર-5 અને રિયો ઓલિમ્પિક્સ સિલ્વર મેડલ વિજેતા સિંધુને સિલ્વર મેડલ મળ્યો છે. સિંધુને રનર-અપ તરીકે 42,500 યુએસ ડોલર (29 લાખ 26 હજાર 570 રૂપિયા)નું રોકડ ઈનામ મળ્યું છે. વિજેતા યામાગુચીને 87,500 ડોલર મળ્યા છે. વર્તમાન મોસમમાં સિંધુનો આ પહેલો ફાઈનલ પ્રવેશ હતો. આ પરાજય સાથે ટાઈટલ જીતવાનો સિંધુનો સાત મહિનાનો દુકાળ ચાલુ રહ્યો છે.
