કોરોના વાઈરસનો ફેલાવો રોકવા માટે મુંબઈમાં સત્તાવાળાઓ અનેક પગલાં લઈ રહ્યા છે. બાન્દ્રા-કુર્લા-કોમ્પલેક્સ વિસ્તારમાં 11 એપ્રિલ, શનિવારે આવા મશીનો દ્વારા જંતુનાશક પ્રવાહીનો છંટકાવ કરવામાં આવ્યો હતો. આ મશીન વડે સમગ્ર E-બ્લોકને આવરી લેવામાં આવ્યો હતો જેમાં ઈન્કમ ટેક્સ કાર્યાલય વિસ્તારનો પણ સમાવેશ થાય છે.
રાજ્ય સરકાર હસ્તકની કંપની MMRDAના સંગાથમાં UPL કંપની દ્વારા આ કામ કરવામાં આવી રહ્યું છે. UPL કંપનીએ MMRDAને બે ફાલ્કન સ્પ્રેઈંગ મશીન પૂરા પાડ્યા છે અને સાથે બે નિષ્ણાત પણ આપ્યા છે. આ માટે તેણે કોઈ પૈસા ચાર્જ કર્યા નથી. આ મશીન દ્વારા વિસ્તારમાં 1 લાખ જેટલું સોડિયમ હાઈપોક્લોરાઈટ સોલ્યૂશન્સ છાંટવામાં આવી રહ્યું છે.
