અમદાવાદઃ ગુજરાત વિધાનસભાની ચૂંટણીને લઈને આજે બીજા તબક્કાનું મતદાન યોજાયું છે. ત્યારે વડાપ્રધાન મોદીએ પણ પોતાના મત વિસ્તાર રાણીપ પહોંચીને રાણીપની નિશાન સ્કુલમાં મતદાન કર્યું હતું. સૌથી મહત્વની વાત એ રહી કે વડાપ્રધાન નરેન્દ્ર મોદી મતદાન કરવા માટે એક સામાન્ય માણસની જેમ લાઈનમાં ઉભા રહ્યા હતા. મત આપ્યા બાદ વડાપ્રધાન મોદીએ ચાલતા ચાલતા લોકોનું અભિવાદન ઝીલ્યું હતું અને સાથે જ મોટી સંખ્યામાં વડાપ્રધાન મોદીને જોવા માટે લોકો પણ ઉમટી પડ્યા હતા.