બોલીવૂડ દીપિકા પદુકોણે 7 જાન્યુઆરી, મંગળવારે સાંજે નવી દિલ્હીમાં જવાહરલાલ નેહરુ યુનિવર્સિટી ખાતે ગઈ હતી અને ગયા રવિવારે થયેલી હિંસામાં ઘાયલ થયેલા વિદ્યાર્થીઓ પ્રતિ સહાનુભૂતિ વ્યક્ત કરવા અને સંપ દર્શાવવા માટે શાંતિપૂર્ણ દેખાવોમાં હાજરી આપી હતી. તેણે ઘાયલ વિદ્યાર્થીઓ સાથે વાતચીત પણ કરી હતી.
ગયા રવિવારે જેએનયૂમાં 12 જેટલા બુકાનીધારી શખ્સો ત્રાટક્યા હતા અને ગર્લ્સ હોસ્ટેલ સહિત કેમ્પસમાં તોડફોડ કરી હતી અને વિદ્યાર્થીઓ તથા શિક્ષકોની નિર્દયતાપૂર્વક મારપીટ કરી હતી. વિદ્યાર્થી સંઘનાં અધ્યક્ષા આઈશી ઘોષ સહિત 18 જણને ઈજા થઈ હતી.
