મધ્ય પ્રદેશ, મિઝોરમની ચૂંટણીમાં ભારે ટકાવારી સાથે મતદાન…

મધ્ય પ્રદેશ અને મિઝોરમ રાજ્યોની વિધાનસભાની એક જ તબક્કાની ચૂંટણી માટે આજે મતદાન યોજવામાં આવ્યું. બંને રાજ્યોમાં સરેરાશ 75 ટકા મતદાન થયું છે. મધ્ય પ્રદેશમાં 2013ની ચૂંટણીનો રેકોર્ડ તૂટ્યો છે જ્યારે 72.7 ટકા મતદાન થયું હતું જ્યારે મિઝોરમમાં ગઈ વેળાની ચૂંટણી વખતે 83.4 ટકા મતદાન થયું હતું. આમ, ઈશાન ભારતના આ રાજ્યમાં આ વખતે ઓછું મતદાન થયું છે. મધ્ય પ્રદેશમાં ત્રણ મુદતથી ભારતીય જનતા પાર્ટીનું શાસન છે જ્યારે મિઝોરમમાં કોંગ્રેસનું શાસન છે. ઉપરની તસવીરમાં, લોકસભાનાં સ્પીકર સુમિત્રા મહાજન અને એમનાં પૌત્રી મધ્ય પ્રદેશના ઈન્દોરમાં મતદાન કર્યાં બાદ એમની આંગળી પરનું નિશાન બતાવે છે.

મધ્ય પ્રદેશના મુખ્ય પ્રધાન શિવરાજ સિંહ ચૌહાણ અને એમના પત્ની મતદાન કરવા આવ્યા છે

શિવરાજ સિંહ ચૌહાણ, એમના પત્ની સાધના સિંહ અને બે પુત્રો કાર્તિકેય અને કુણાલ ભોપાલ જિલ્લાના જૈત ગામમાં મતદાન કર્યા બાદ એમની આંગળી પર શાહીનું નિશાન બતાવે છે.