69મા રાષ્ટ્રીય ફિલ્મ પુરસ્કાર-2023 સમારોહનું 17 ઓક્ટોબર, મંગળવારે નવી દિલ્હીના વિજ્ઞાન ભવન ખાતે આયોજન કરવામાં આવ્યું હતું. તેમાં રાષ્ટ્રપતિ દ્રૌપદી મુર્મુનાં હસ્તે વિજેતા કલાકારોને આ પ્રતિષ્ઠિત એવોર્ડ એનાયત કરવામાં આવ્યા હતા. તેલુગુ ફિલ્મ ‘પુષ્પા’માં ભજવેલી ભૂમિકા માટે અલ્લૂ અર્જુન શ્રેષ્ઠ અભિનેતાનો એવોર્ડ રાષ્ટ્રપતિ પાસેથી સ્વીકારે છે. બોલીવુડ અભિનેત્રીઓ – આલિયા ભટ્ટ અને કૃતિ સેનને શ્રેષ્ઠ અભિનેત્રીનો એવોર્ડ સંયુક્ત રીતે પ્રાપ્ત કર્યો છે. આલિયાએ ‘ગંગૂબાઈ કાઠિયાવાડી’ ફિલ્મ માટે જ્યારે કૃતિએ ‘મિમી’ ફિલ્મ માટે આ એવોર્ડ જીત્યો છે.
