મુંબઈમાં રજનીકાંતની ‘દરબાર’ ફિલ્મ રિલીઝ; ચાહકો ઘેલાં થયાં

દક્ષિણ ભારતીય ફિલ્મોના સુપરસ્ટાર રજનીકાંતની નવી તામિલ ફિલ્મ ‘દરબાર’ 9 જાન્યુઆરી, ગુરુવારથી મુંબઈ સહિત દેશભરમાં રિલીઝ કરવામાં આવી છે. દેખીતી રીતે જ રજનીકાંતની અગાઉની ફિલ્મોની જેમ આ ફિલ્મ માટે પણ એમનાં પ્રશંસકોમાં ભારે ક્રેઝ જોવા મળ્યો છે. મુંબઈમાં વડાલા, અંધેરી, ઘાટકોપર, ગોરેગામ, મલાડ, સાયન સહિત ઘણા ઉપનગરોમાં તેમજ પડોશના થાણે, નવી મુંબઈના વાશી શહેરના થિયેટરોમાં ‘દરબાર’ ફિલ્મ રિલીઝ કરવામાં આવી છે.