ટીવી સિરિયલોની અભિનેત્રી હિના ખાન તેની ફિટનેસનું ધ્યાન રાખવામાં બહુ સતર્ક રહે છે. પણ હાલ કોરોના વાઈરસને કારણે 21-દિવસનું લોકડાઉન હોવાને કારણે જિમ્નેશિયમ બંધ હોવાથી એ મુંબઈમાં પોતાના ઘરમાં જ કસરત-વર્કઆઉટ કરે છે. એણે કસરત કરતી પોતાની તસવીરો સોશિયલ મિડિયા પર પોસ્ટ કરી છે અને નેટયુઝર્સને અપીલ કરી છે કે તેઓ પણ હોમ ક્વોરન્ટાઈનના આ સમયગાળા દરમિયાન ઘરમાં કસરતો કરે અને પોતાની શારીરિક તંદુરસ્તી જાળવે. હિના 'યે રિશ્તા ક્યા કેહલાતા હૈ', 'કસૌટી ઝિંદગી કી' જેવી ટીવી સિરિયલોની ભૂમિકાઓ માટે તેમજ ટીવી રિયાલિટી શો 'બિગ બોસ 11' સીઝનની રનર-અપ (2017) તરીકે જાણીતી છે.
