હાથી જીવે ત્યારે લાખનો, મર્યે સવા લાખનો |
હાથી રાજ દરબારમાં જ શોભે એવો વિશાળકાય અને કિંમતી પ્રાણી છે. એટલે કે એ જીવતો હોય ત્યારે એની કિંમત લાખમાં મૂકી શકાય. પણ હાથીના દંતશૂળ એટલે કે હાથીદાંત ખૂબ જ કિંમતી ગણાય છે. અને એની સારી એવી કિંમત ઉપજે છે.
આમ મૃત્યુ બાદ હાથીના હાડકાં અને દંતશૂળ સારી એવી રકમ ઉપજાવી આપે છે. આ કહેવત એ પરિસ્થિતી માટે વપરાય છે જ્યારે માણસની હયાતીમાં જે કિંમત થતી હોય તેની સરખામણીમાં માર્યા બાદ વધુ કિંમત અથવા આબરૂ ઊભી થાય.
(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)
