ફેસબુક પર હિટ ‘અમુલ’નો દુનિયાનો સૌથી મોટો લાઈવ રેસિપી શો

100 દિવસમાં અમુલ લાઈવ રેસિપી શોના 914 કાર્યક્રમો થઈ ચૂક્યા છે. એમાં અત્યાર સુધીમાં 2000થી વધારે શેફ ભાગ લઈ ચૂક્યા છે અને 50થી વધારે દેશોમાં આ શોના 75 કરોડ વ્યૂઅર્સ નોંધાયા છે.


કોરોના વાઈરસને કારણે ગયા માર્ચની 25મીથી ભારતમાં દેશવ્યાપી લોકડાઉન લાગુ થયા બાદ અમુલ બ્રાન્ડે 17 એપ્રિલથી તેના ફેસબુક પેજ (https://www.facebook.com/amul.coop/) પર બે શેફ સાથે લાઈવ રેસિપી શો શરૂ કર્યો હતો. ત્યારથી લઈને અત્યાર સુધીમાં 100 દિવસોમાં તેના 914 લાઈવ શો થઈ ચૂક્યા છે. જેને કારણે તે વિશ્વમાં સૌથી મોટો અને સૌથી લાંબા સમય સુધી ચાલનારો લાઈવ રેસિપી શો બન્યો છે અને વિશ્વની સૌથી મોટી કૂકિંગ વેબ સિરીઝ બની છે. 17 એપ્રિલથી રોજના 10-11 ફેસબુક લાઈવ સત્રો યોજવાનું શરૂ કરાયું હતું. જેમાં તેઓ પાકકળાની એવું કૌશલ્ય રજૂ કરે છે જેથી ગ્રાહકો ઘેરબેઠાં #SimpleHomemadeRecipes ક્રિએટ કરી શકે.

મહામારી અને લોકડાઉનને કારણે અનિશ્ચિતતાને કારણે હોટેલ, રેસ્ટોરન્ટ્સ અને કેટરિંગ ઉદ્યોગના લોકો ચિંતાગ્રસ્ત હતા, ભવિષ્ય ધૂંધળું જણાતું હતું ત્યારે એમની લાગણી, પરસ્પર હિતને ધ્યાનમાં રાખીને લોકડાઉન પિરિયડના મધ્ય ભાગથી જ અમુલે લાઈવ રેસિપી શો શરૂ કર્યો હતો.

દેશની સૌથી મોટી ફૂડ બ્રાન્ડ અમુલનો હેતુ સ્પષ્ટ હતો. લોકડાઉનને કારણે ઘરમાં જ રહેતા શેફ્સને કનેક્ટ કરી તેમની રસોઈકળાનું કૌશલ્ય લોકો સમક્ષ પ્રસ્તુત કરવાની તક પૂરી પાડવાનો હતો, કારણ કે ઘરમાં બંદી થયેલા લોકો પણ ઘરની વાનગીઓમાં નવીનતા ઈચ્છતા હતા. આમ, આ લાઈવ રેસિપી શોને કારણે શેફ્ટ એમના ગ્રાહકો સાથે કનેક્ટ રહી શક્યા. રેસિપી વિડિયોને શૂટ કરી, એડિટ કરીને પછી રજૂ કરવાના સામાન્ય ચલણથી વિપરીત, અમુલે લાઈવ રેસિપીઝનો લાભ પૂરો પાડ્યો. જેથી લોકોને કંઈક તાજું, એમની આંખો સામે જ બનાવાતું જોવા મળ્યું. કોઈ એકલી પડેલી વ્યક્તિઓએ આ શો માણ્યો તો કેટલાકે ગ્રુપમાં રહીને.

લાઈવ કૂકિંગ ઘણો જ અનોખો અનુભવ બન્યો. એમાં શેફ અને એમના શ્રોતા-ગ્રાહકો વચ્ચે સંવાદ થાય, સવાલ-જવાબનું સત્ર પણ હોય.

આ વિશિષ્ટ શોને કારણે ફેસબુકે અન્ય સોશિયલ મિડિયા પ્લેટફોર્મ સામે મેદાન માર્યું જેમ કે ટ્વિટર, યૂટ્યૂબ, ઈન્સ્ટાગ્રામ.

2009થી ફેસબુક પર અમુલના 17.6 લાખ ફોલોઅર્સ છે.

ફેસબુક લાઈવ મારફતના એક્સક્લુઝિવ લાઈવ રેસિપી શોને ચાર મહિનાથી પણ વધારે સમય થઈ ચૂક્યો છે અને હવે ભારતભરની તમામ અગ્રગણ્ય હોટેલ ચેન્સનાન શેફ્સે અમુલના લાઈવ રેસિપી શોમાં ભાગ લીધો છે. તે ઉપરાંત ભારત, યુએસએ, સિંગાપોર, મધ્ય પૂર્વાન દેશો સહિત 66 દેશોના શેફ્સ આમાં ભાગ લઈ ચૂક્યા છે.

અમુલ ફેસબુક પેજ પર અત્યાર સુધીમાં 900થી વધારે લાઈવ રેસિપી શો થયા છે, જેમાં આવી અનેક અનોખી ફોર્મેટ્સ હતીઃ

સિંપલ હોમમેડ રેસિપીઝઃ એક-એક કલાકનું સત્ર શરૂ થાય બપોરે 12થી અને સાંજે 7 વાગ્યા સુધી ચાલે.

મિડનાઈટ સ્નેકિંગઃ મધરાતે નાસ્તાના લાઈવ સત્રો શરૂ થાય રાતે 11 વાગ્યાથી. આના અસંખ્ય શો થઈ ચૂક્યા છે.

આઈસક્રીમ રેસિપીઝઃ 2 મેથી https://www.facebook.com/icecream.amul – આ પેજ પર શો થયા.

લાઈવ ફ્રોમ લાર્જ કિચન્સઃ જયપુરમાં અક્ષયપાત્રમાંથી કરાયેલા લાઈવ શોમાં એક કલાકની અંદર 40 હજાર રોટલીઓ બનાવતા જોવા મળી.

સ્પેશિયલ વર્લ્ડ મિલ્ક ડે ઉજવણીઃ 1 જૂને શેફ્સે દૂધ આધારિત ઉત્પાદનો બનાવ્યા હતા.

ટેસ્ટ ઓફ ઈન્ડિયા સ્પેશિયલ ડેઃ દેશના 28 રાજ્યોના શેફ્સે એમની પરંપરાગત વાનગીઓ બનાવી હતી.

અમુલ બ્રાન્ડે આ લાઈવ રેસિપી શોઝ વડે પ્રતિદિન 1 કરોડ ફેસબુક એકાઉન્ટ્સની પહોંચ સાથે 10 કરોડ વ્યુઅરશિપનું નિર્માણ કર્યું છે.

અમુલ ભારતની સૌથી મોટી ફૂડ બ્રાન્ડ છે

અમુલનું ટર્નઓવર 7 અબજ ડોલર છે. આ એક કોઓપરેટિવ સંસ્થા છે જેની પાસે ગુજરાતના 36 લાખ દૂધ ઉત્પાદકો છે, જેઓ 18,500 ગ્રામ સહકારી મંડળીઓ (કોઓપરેટિવ સોસાયટીઝ) સાથે સંલગ્ન છે. અમુલ કંપની પ્રતિ દિન સરેરાશ 250 લાખ લિટર દૂધ પ્રોસેસ કરે છે અને દુનિયામાં 9મા નંબરની મોટી ડેરી કંપની છે.

1946માં સ્થપાયેલી અમુલ આજે ભારતની સૌથી મોટી ડેરી બ્રાન્ડ છે અને દૂધ, માખણ, આઈસક્રીમ અને ચીઝ જેવી ઘણી ડેરી કેટેગરીઝમાં રાષ્ટ્રીય માર્કેટ લીડર છે.

ટેસ્ટ ઓફ ઈન્ડિયા નામે ભારતીયોમાં પ્રિય અમુલના 650થી વધારે દૂધ અને દૂધ ઉત્પાદનો અમેરિકા, સિંગાપોર, યુએઈ, સાઉદી અરેબિયા સહિત અનેક દેશોમાં ઉપલબ્ધ છે.