કચ્છ: વિસ્તારની દ્રષ્ટિએ સૌથી મોટી લોકસભા અને ગુજરાતમાં ૨૬ સીટ પૈકીના પ્રથમ ક્રમમાં આવેલી કચ્છની બેઠક આમ તો 1996થી ભાજપના જ કબજામાં છે. કચ્છ લોકસભા સીટ ભારતની ત્રીજી સૌથી મોટી લોકસભા સીટ છે. જેનું ક્ષેત્રફળ 45,652 km2 છે. જે ડેન્માર્કથી પણ વધુ છે. આ બેઠક ઉપર ક્ષત્રિય, દલિત, મુસ્લિમ, આહિર, પટેલ, બ્રાહ્મણ, વણિક, લોહાણા અને અન્ય જાતિઓના લોકો વસે છે. ક્ષત્રિય અને દલિત મતદાતાઓ પ્રભાવી છે. આમ જોવા જઈએ તો કચ્છની બેઠક પર કોઈ એક જ્ઞાતિના મતદારોનું પ્રભુત્વ નથી અને જુદી જુદી જ્ઞાતિઓની બનેલી આ બેઠક એસ.સી. માટે અનામત છે. પરંતુ જ્ઞાતિવાદી સમીકરણો અહીં કામ કરતાં નથી. આ બધી જ્ઞાતિઓના મતદારોની સંખ્યા 7-8 ટકાની આસપાસ રહેતી હોય છે. કચ્છમાં દલિત અને મુસ્લિમ મતદારોની સંખ્યા પણ નોંધપાત્ર છે.
ઉમેદવાર:–
ભાજપ: વિનોદ ચાવડા
કચ્છ લોકસભા સીટ પર ભાજપે બે ટર્મથી સાંસદ વિનોદ ચાવડાને યથાવત રાખ્યા છે. વિનોદ ચાવડાએ સૌપ્રથમ 2014 અને પછી 2019ની લોકસભામાં ચૂંટણી લડી હતી અને શાનદાર જીત મેળવી હતી. વિનોદ ચાવડાએ એલ.એલ.બી સુધી અભ્યાસ કર્યો છે. મુળ તેમનું ગામ કચ્છના નખત્રાણા તાલુકાના સુખપર રોહા છે. જે અબડાસા વિધાનસભા ક્ષેત્રમાં આવે છે.
કોંગ્રેસ: નીતિશ લાલણ
કચ્છ લોકસભા બેઠક પરથી આ વખતે યુવા ચહેરાને તક આપવામાં આવી છે. યુવા નેતા નીતિશ લાલણ સક્રિય સભ્ય તરીકે પક્ષમાં સતત કાર્યરત રહ્યા છે. 2012માં ભારતીય રાષ્ટ્રીય કોંગ્રેસના સભ્ય તરીકે જોડાયા હતા. મતદાન એજન્ટ તરીકે જમીનીસ્તર પર કામ કર્યું છે. તમામ ચૂંટણીઓમાં બૂથનું સંચાલન પણ સંભાળ્યું છે. હાલમાં પૂર્વ કચ્છ જિલ્લા ભારતીય યુવા કોંગ્રેસ પ્રમુખ તરીકે કાર્યરત છે. ગાંધીધામ એસેમ્બલી ભારતીય યુવા કોંગ્રેસના ભૂતપૂર્વ પ્રમુખ છે. યુથ કોંગ્રેસના પ્રમુખ તરીકે મહત્વનું યોગદાન આપ્યું છે. તેઓ શિપિંગ અને લોજિસ્ટિક્સના વ્યવસાય સાથે જોડાયેલા છે.
PROFILE
- કચ્છ લોકસભા મતવિસ્તારમાં 7 વિધાનસભા મતવિસ્તારોનો સમાવેશ થાય છે. અબડાસા, માંડવી, ભૂજ, રાપર, ગાંધીધામ(SC), અંજાર અને મોરબી
- 2019માં યોજાયેલી 17મી લોકસભા ચૂંટણીમાં ભાજપના વિનોદ ચાવડા આ બેઠક પરથી વિજેતા બન્યા હતા. તેઓ 3,05,513 વોટની લીડથી જીત્યા હતા.
મતદારોની સંખ્યા
- કુલ મતદારો 19,34,444
- પુરુષ મતદાર 9,96,628
- સ્ત્રી મતદાર 9,37,791
- વિધાનસભા બેઠકોની સ્થિતિબેઠક
બેઠક પક્ષ વિજેતા વોટ લીડ અબડાસા ભાજપ પી. એમ. જાડેજા 80,195 9,431 માંડવી ભાજપ અનિરૂદ્ધ દવે 90,303 48,297 ભૂજ ભાજપ કેશુભાઈ પટેલ 96,582 59,814 અંજાર ભાજપ ત્રિકમ છાંગા 99,076 37,709 ગાંધીધામ(SC) ભાજપ માલતી મહેશ્વરી 83,760 37,831 રાપર ભાજપ વીરેન્દ્રસિંહ જાડેજા 66,961 577 મોરબી ભાજપ કાન્તિલાલ અમૃતિયા 1,14,538 62,079
કચ્છ બેઠકની વિશેષતા
- કચ્છની લોકસભા બેઠક પર 1952માં પહેલી વખત ચૂંટણી યોજાઈ હતી. તે વખતે સામાન્ય બેઠક હતી અને પ્રથમ યોજાયેલ ચુંટણીમાં કોંગ્રેસ જીતી હતી.
- ૧૯૬૨ની લોકસભા ચુંટણીમાં સ્વતંત્ર પાર્ટીનો વિજય થયો હતો.
- અહીં લોકસભા અને વિધાનસભામાં પરિણામ એકબીજાથી વિપરીત હોય છે.
- કચ્છ બેઠક પર છેલ્લે 1991માં કોંગ્રેસના ઉમેદવાર વિજેતા બન્યા હતા. ત્યાર બાદથી આજ સુધી ભાજપના ઉમેદવારો જ વિજેતા બનતા આવ્યા છે.
- આ બેઠક પર પ્રથમ વખત 1989માં ભાજપ તરફથી બાબુભાઈ શાહ ચૂંટાઈ આવ્યા હતા.
- સૌથી વધુ વખત ભાજપના પુષ્પદાન ગઢવી સાંસદ તરીકે ચૂંટાઈ આવ્યા છે. તેઓ 1996, 1998, 1999 અને 2004 એમ ચાર વખત સાંસદ તરીકે ચૂંટાયા હતા.
