મ્યાનમારમાં સર્જિકલ સ્ટ્રાઈકના સમાચારથી સેન્સેક્સ 439 પોઈન્ટ ગબડ્યો

0
1755

અમદાવાદ– શેરબજારમાં ઑલરાઉન્ડ વેચવાલી ફરી વળતાં કડાકો બોલી ગયો હતો. મ્યાનમારમાં સર્જિકલ સ્ટ્રાઈકના સમાચાર પાછળ તમામ સેકટરના શેરોમાં જોરદાર વેચવાલી આવી હતી. પરિણામે સેન્સેક્સ અને નિફટી ઝડપી ગબડ્યા હતા. ટ્રેડિંગ સેશનને અંતે બીએસઈ સેન્સેક્સ 439.95(1.39 ટકા) ગબડી 31,159.81 બંધ રહ્યો હતો. અને નિફ્ટી 135.75(1.38 ટકા) તૂટી 9735.75 બંધ થયો હતો.ભારતીય લશ્કરે ભારત મ્યાનમાર સરહદ પર વહેલી સવારે સર્જિકલ સ્ટ્રાઈક કરી હતી, અને નાગા વિદ્રોહીઓ પર હૂમલો કર્યો હતો. જો કે ભારતીય આર્મીએ આ વાતને નકારી છે. શેરબજારમાં સવારથી જ સાવચેતીનો સુર હતો. તેજીવાળા અને મંદીવાળા ખેલાડીઓની વેચવાલીનો દોર ચાલુ રહ્યો હતો. ગ્લોબલ માર્કેટમાં સુધારા તરફી ટ્રેન્ડ હતો. પણ ભારતીય શેરોમાં એફ એન્ડ ઓ એક્સપાયરીની અસર વધુ જોવા મળી હતી. તમામ સેકટરના શેરોના ભાવ ગબડ્યા હતા.

  • આગામી ગુરુવારે સપ્ટેમ્બર ઓપ્શન ફ્યુચર કોન્ટ્રેક્ટનો છેલ્લો દિવસ છે, જે અગાઉ તેજીવાળા ખેલાડીઓએ ઉભા લેણ સરખા કરવા વેચવાલી કાઢી હતી.
  • નોર્થ કોરિયા અને અમેરિકા વચ્ચે ભારેલા અગ્નિ જેવી સ્થિતી પ્રવર્તી રહી છે.
  • નોર્થ કોરિયાએ કહ્યું છે અમેરિકાએ યુદ્ધ જાહેર કર્યું છે, અમેરિકાએ સત્તાવાર રીતે ના કહી છે.
  • ભારતનો જીડીપી ગ્રોથ સતત ઘટીને આવ્યો છે. અર્થશાસ્ત્રીઓ ચિંતિત છે. સરકાર પણ ટેન્શનમાં આવી ગઈ છે. સરકાર રાહત પેકેજની જાહેરાત કરે તેવી શકયતા છે. જેથી માર્કેટમાં સાવચેતીનું વલણ જોવાઈ રહ્યું છે.
  • અમેરિકાની ફેડરલ રીઝર્વ ડીસેમ્બરમાં વ્યાજદરમાં વધારો કરશે, તેવી ધારણાએ એફઆઈઆઈની વેચવાલી ચાલુ રહી છે.
  • આઈસીઆઈસીઆઈ લોમ્બાર્ડ જનરલ ઈન્સ્યોરન્સના નવા શેરનું આજે નિરુત્સાહી લિસ્ટીંગ થયું હતું. એનએસઈ સ્ટોક ઈસ્યુપ્રાઈઝની નીચે રૂપિયા 651માં લિસ્ટ થયો હતો. નવા શેરની ઈશ્યુપ્રાઈઝ રૂ.661 હતી.
  • ભૂતપૂર્વ નાણાપ્રધાન યશવંતસિંહાએ પણ કહ્યું હતું કે નોટબંધથી જીડીપી ગ્રોથ ધીમો પડ્યો છે.
  • રોકડાના શેરોમાં ભારે વેચવાલી આવી હતી. બીએસઈ મીડકેપ ઈન્ડેક્સમાં 308.08નું ગાબડુ પડ્યું હતું.
  • બીએસઈ સ્મોલકેપ ઈન્ડેક્સ 338.91 તૂટ્યો હતો.
  • ડીજીએફટીએ યુરિયા આયાત માટે 2 કંપનીઓને મંજૂરી આપી દીધી છે. રાષ્ટ્રીય કેમિકલ એન્ડ ફર્ટિલાઈઝર(આરસીએફ) અને નેશનલ ફર્ટિલાઈઝર(એનએફએલ)ને યુરિયા આયાત કરવાની મંજૂરી મળી છે.
  • ઝાયડ્સ કેડિલા અને ગ્લેનમાર્ક ફાર્માની એક એક દવાને યુએસ એફડીએની મંજૂરી મળી છે. કેડિલાની ઈંડામેથાસિન કેપ્યુલ અને ગ્લેનમાર્કની ડેસોનાઈડ લોશનને મંજૂરી મળી છે.
  • ડિવિઝ લેબને યુએસ એફડીએએ ઝાટકો આપ્યો છે. વિશાખાપટ્ટનમ યુનિટ-2ની તપાસમાં ગરબડી મળી આવી છે. એફડીએએ યુનિટમાં દવાઓનો રેકોર્ડ નહી રાખવા અને સફાઈને લઈને ખામીઓ જાહેર કરી છે.