૨૮ સપ્ટેમ્બર, ૨૦૨૩
૨૮ સપ્ટેમ્બર, ૨૦૨૩
રાશિ ભવિષ્ય 28/09/2023
રાશિ ભવિષ્ય- હેમિલ લાઠિયા
આજનો દિવસ તમારા માટે સામાન્ય છે, ધાર્મિક, સામાજિક કારણસર મુસાફરી થઈ શકે છે, મિત્રોકે પરિચિત વ્યક્તિથી કોઈ સારા કાર્યઅંગેની ચર્ચાવિચારણા થઇ શકે છે, માર્કેટિંગક્ષેત્રમા સારો પ્રતિભાવ મળે તેમજ તમારા અન્ય કોઈ કામનુ આયોજન પણ થઇ શકે છે, વેપારમા નાનુ કામ કરવુ સલાહ ભર્યું કહી શકાય.
આજનો દિવસ સાવચેતી રાખવી, વાણીવર્તન પર કાબુ રાખવો જરૂરી છે, પડવા-વાગવાથી સંભાળવુ, ઘરમા વડીલકે ઓફીસમા ઉપલીઅધિકારી સાથે ગેરવર્તન ના થાયતે બાબતની તકેદારી રાખવી, યુવાવર્ગે પ્રિયજન સાથે વિવાદકે દલીલબાજીથી દુર રહેવુ, વેપારના કામકાજમા જોખમથી દુર રહેવુ સલાહ ભર્યું કહી શકાય.
આજનો દિવસ તમારો સારો છે તમે આનંદ ખુશીની લાગણી અનુભવો, તમારી મનની વાત કોઈ સમજી શકે નોકરીકે વ્યવસાયમા ફેરબદલીની ઈચ્છા કરનાર માટે સારા સમાચાર પ્રાપ્ત થઇ શકે, કોઈપણ કામનુ આયોજન સારી રીતે થઇ શકે, વેપારના કામકાજમા લાભ થઈ શકે છે, આજે ઉત્સાહ સારો જોવા મળે.
આજનો દિવસ તમારા માટે સામાન્ય છે, તમારી કોઈપણ મિલનમુલાકાત નવીવાત કરાવે, કોઈ પ્રસગોપાત મુસાફરી થઇ શકે છે, અણધાર્યા નાણાકીયખર્ચ પણ આવી શકે, માર્કેટિંગક્ષેત્રમા જુનાઅટકેલા કામ કરવાથી લાભ થઈ શકે છે, વેપારમા નાનુકામ કરવુજ યોગ્ય છે, કામકાજમા વ્યસ્તતા પણ જોવા મળે.
આજનો દિવસ તમે શાંતિ અને કુનેહથી પસાર કરવો જેથી તમે કોઈપણ પ્રકારની સમસ્યાથી દુર રહી શકો, ખટપટીવ્યક્તિથી દુર રહેવુ, કામકાજ દરમિયાન તમને થોડો સહકાર ઓછો મળી શકે છે તેમજ અન્યના કામકાજની ભૂલથી તમારા સમયનો પણ વ્યય થઇ શકે છે. વેપારના કામકાજમા જોખમ ન કરવુ.
આજનો દિવસ સામાન્ય છે, તમને થોડી કોઈ કારણસર માનસિકચિંતાના કારણે અજંપો રહે, કામકાજમા ધીરજ અને શાંતિનો અભાવ વર્તાય. માર્કેટિંગક્ષેત્રમા પ્રતિસાદ ઓછો જોવા મળી શકે, વેપારમા નાનુ અને ગણતરીપૂર્વકનુ કામકાજ કરવુ યોગ્ય છે, સહકર્મચારી સાથે કામકાજમા સહકાર થોડો ઓછો જોવા મળે.
આજનો દિવસ સારો છે, તમારી લાગણીને સારો સંતોષ અને ખુશી મળે, કામકાજનો પ્રતિસાદ સારો રહે પસંદગીના કાર્ય કરવાથી તમને ઉત્સાહ વધે, પરિચિત સાથે મિલનમુલાકાતનો પ્રતિસાદ સારો મળે, જે લોકો સ્પર્ધાત્મકપરીક્ષા આપનાર છે તેઓ માટેવધુ મહેનત કરવી સારી કહી શકાય, વેપારમા લાભ થઈ શકે છે.
આજના દિવસે થોડી સાવચેતી રાખવી જરૂરી છે ,ક્યાય તમારી ટીકાકે તમારી સામે દલીલબાજીથી તમે નાખુશી અનુભવો. હિતશત્રુથી દુર રહેવુ, વાણીવિલાસ દરમિયાન ખોટા શબ્દપ્રયોગ ના થાય તેનુ પણ ખાસ ધ્યાન રાખવુ જરૂરી છે. વેપારના કામકાજમા જોખમ ન કરવુ અને ધીરજ રાખી કામ કરવાની સલાહ છે.
આજનો દિવસ સારો છે, તમરી લાગણીની કદર સારી રીતે થાય, જુનાપ્રસોંગો યાદ આવવાથી ખુશી અનુભવાય, ભૂતકાળમા કોઈની સાથે મનદુઃખ થયુ હોયતો તેને સુધારવાની તક મળે, સામાજિક, ધાર્મિક, રાજકીયકામકાજમા તમને યોગ્યપ્રતિસાદ મળે, વેપારના કામકાજમા લાભ થઈ શકે.
આજના દિવસે ચોકસાઈ અને ધીરજ રાખવી જરૂરી છે, તમારી વિચારસરણી થોડી નકારત્મક થાય તેવી કોઈ વાત બની શકે છે, બિનજરૂરી વાર્તાલાપથી દુર રહેવુ, મુસાફરી કંટાળાજનક રહે, વેપારમા બિનજરૂરી જોખમથી દુર રહેવુ, વાતવાતમા ઉશ્કેરાટ ના આવે તેનુ ધ્યાન રાખવુ સારુ, શાંતિથી દિવસ પસાર કરવો.
આજનો દિવસ સારો છે, તમારા ધાર્યા કામ પર પડે , નસીબ સાથ આપે, તમારી સાથે થયેલ કોઈ મિલન મુલાકાત યાદગાર બને, માર્કેટિંગક્ષેત્રમા તમારા પરિચિત સાથે કામકરવાથી ફાયદો થઇ શકે છે. થોડી ધાર્મિકભાવના પણ વધુ જોવા મળે, વેપારના કામકાજમા લાભ કે નવીનતક દેખાઈ શકે છે.
આજનો દિવસ સામાન્ય છે, કામમા સમયનો બગાડ થઈ શકે છે, વેપારના કામકાજમા નાનુ અને આયોજન પૂર્વકનુ કામકાજ યોગ્ય છે, કોઈની સાથે કામની બાબતમા દલીલબાજી ના કરવી, યુવાવર્ગને ઈતરપ્રવૃતીમા ધ્યાન વધુ જાય અને ક્યાંક બિનજરૂરી નાણાકીયખર્ચ પણ થઈ શકે, મુસાફરી થોડી કંટાળાજન બની શકે છે.
ત્રીજી વનડેમાં ઓસ્ટ્રેલિયાએ ભારતને 66 રને હરાવ્યું, ટીમ ઈન્ડિયાએ સિરીઝ જીતી
ટીમ ઈન્ડિયાને રાજકોટ વનડેમાં 66 રનથી હારનો સામનો કરવો પડ્યો હતો. કેપ્ટન રોહિત શર્મા (81) અને વિરાટ કોહલી (56)ની અડધી સદી છતાં ભારત ઓસ્ટ્રેલિયાના 353 રનના લક્ષ્યાંકને હાંસલ કરી શક્યું ન હતું. ટીમ ઈન્ડિયાએ આ મેચમાં ઘણા પ્રયોગો કર્યા હતા, જે તેમના માટે ખોટા સાબિત થયા હતા. આ મેચમાં કુલ 5 ફેરફાર કરવામાં આવ્યા હતા, આવી સ્થિતિમાં ટીમ ઈન્ડિયાનું આખું કોમ્બિનેશન બગડી ગયું હતું. ઓસ્ટ્રેલિયાએ આ મેચમાં 352 રન બનાવ્યા હતા જ્યારે ટીમ ઈન્ડિયા 286 રનમાં ઓલઆઉટ થઈ ગઈ હતી.
Australia salvage a win in the third ODI with a clinical all-round display 💪#INDvAUS 📝: https://t.co/VFCXdpO74l pic.twitter.com/JvhaorkL8U
— ICC (@ICC) September 27, 2023
ભારત 66 રનથી હારી ગયું હતું
ભારતીય ટીમ 286 રનમાં ઓલઆઉટ થઈ ગઈ હતી અને રાજકોટ વનડે મેચ 66 રનથી હારી ગઈ હતી. ટીમ ઈન્ડિયાએ આ શ્રેણી 2-1થી જીતી લીધી છે. હવે ભારતે સીધો જ વર્લ્ડ કપમાં પ્રવેશ કરવો પડશે, જ્યાં તેની પ્રથમ મેચ ઓસ્ટ્રેલિયા સામે થશે. રોહિત શર્માએ 81 રનની મહત્વપૂર્ણ ઇનિંગ રમી હતી. વિરાટ કોહલીએ 56 રન બનાવ્યા હતા. શ્રેયસ અય્યર 48 રન બનાવીને આઉટ થયો હતો. રવિન્દ્ર જાડેજા 35 રન બનાવીને પેવેલિયન પરત ફર્યો હતો. બોલિંગમાં જસપ્રીત બુમરાહે 3 વિકેટ લીધી હતી. કુલદીપ યાદવને 2 વિકેટ મળી હતી. પ્રસિદ્ધ કૃષ્ણા અને સિરાજને એક-એક વિકેટ મળી હતી.
દેશમાં ફરી હવામાન વિભાગે કરી ભારેથી અતિભારે વરસાદની આગાહી
દેશના ઘણા રાજ્યોમાં વરસાદી મોસમ ચાલુ છે. દરમિયાન, હવામાન વિભાગે ઘણા રાજ્યોમાં વરસાદને લઈને એલર્ટ જાહેર કર્યું છે. હવામાન વિભાગે કહ્યું કે પશ્ચિમ બંગાળ, ગુજરાત, કોંકણ અને ગોવામાં ભારે વરસાદની સંભાવના છે. IMD એ પશ્ચિમ બંગાળમાં 27 સપ્ટેમ્બરથી 3 ઓક્ટોબર સુધી ભારે વરસાદને લઈને એલર્ટ જાહેર કર્યું છે. દેશના અનેક રાજ્યોમાં વરસાદી માહોલ જારી છે. દરમિયાન, હવામાન વિભાગે ઘણા રાજ્યોમાં વરસાદને લઈને એલર્ટ જાહેર કર્યું છે. હવામાન વિભાગે કહ્યું કે પશ્ચિમ બંગાળ, ગુજરાત, કોંકણ અને ગોવામાં ભારે વરસાદની સંભાવના છે.
બંગાળમાં સાત દિવસ માટે એલર્ટ
IMD એ પશ્ચિમ બંગાળમાં 27 સપ્ટેમ્બરથી 3 ઓક્ટોબર સુધી ભારે વરસાદને લઈને એલર્ટ જાહેર કર્યું છે. હવામાન વિભાગે કહ્યું છે કે બંગાળના ઘણા જિલ્લાઓમાં આંશિક વાદળછાયું આકાશ રહેશે અને આ સમયગાળા દરમિયાન વાવાઝોડા સાથે ભારે વરસાદની સંભાવના છે.
આંદામાન અને નિકોબારમાં ભારે પવન સાથે વરસાદ પડશે
તે જ સમયે, હવામાન વિભાગે આંદામાન અને નિકોબારમાં 28 થી 29 સપ્ટેમ્બર વચ્ચે ભારે વરસાદની આગાહી કરી છે. IMDએ કહ્યું કે 115.6 થી 204.4 mm સાથે ભારે વરસાદ થઈ શકે છે. આ ઉપરાંત 40 થી 55 કિમી પ્રતિ કલાકની ઝડપે ભારે પવન ફૂંકાય તેવી શક્યતા છે. આ સાથે આજે મધ્ય મહારાષ્ટ્રમાં ભારે વરસાદની સંભાવના છે.
કર્ણાટક અને તમિલનાડુમાં ભારે વરસાદ
તમને જણાવી દઈએ કે આજે કર્ણાટકના દરિયાકાંઠાના ઘણા વિસ્તારોમાં ભારે વરસાદ નોંધાયો છે. કર્ણાટકના અંકોલામાં 7 સેમી અને કારવારમાં 7 સેમી વરસાદ નોંધવામાં આવ્યો છે. આ સિવાય તમિલનાડુના પૂંડીમાં 10 સેમી અને થમરાઈપક્કમમાં 9 સેમી વરસાદ નોંધવામાં આવ્યો છે.
ખાલિસ્તાન-ગેંગસ્ટર્સના નેટવર્ક પર NIAની મોટી કાર્યવાહી
દેશમાં આતંકવાદી-ગેંગસ્ટર-ડ્રગ સ્મગલરની સાંઠગાંઠને નષ્ટ કરવા માટે, રાષ્ટ્રીય તપાસ એજન્સી (NIA) એ બુધવારે (27 સપ્ટેમ્બર) દેશના 7 રાજ્યોમાં દરોડા પાડ્યા હતા. NIA દ્વારા પાડવામાં આવેલા આ દરોડામાં ઘણા લોકોની અટકાયત કરવામાં આવી છે. સવારે શરૂ થયેલા આ દરોડામાં NIAએ 53 સ્થળો પર દરોડા પાડ્યા હતા, જેમાં હથિયારો અને દારૂગોળો પણ મળી આવ્યો હતો. કેનેડામાં હાજર ખાલિસ્તાન તરફી આતંકવાદીઓ અર્શ દલ્લા, લોરેન્સ બિશ્નોઈ અને સુખા દુનાકે જેવા મોટા ગેંગસ્ટરોના ઠેકાણાઓ પર દરોડા પાડવામાં આવ્યા હતા. NIA એ ઘોષિત આતંકવાદી અર્શ દલ્લા અને કેટલાક કુખ્યાત ગેંગસ્ટરો સાથે સંકળાયેલા આતંકવાદીઓ-ગેંગસ્ટરો-ડ્રગ સ્મગલરોની સાંઠગાંઠ પર ઘણા રાજ્યોમાં મોટા પાયે કાર્યવાહી દરમિયાન ઘણા શંકાસ્પદ લોકોની અટકાયત કરી હતી.
મોટી માત્રામાં દારૂગોળો મળી આવ્યો
છ રાજ્યો પંજાબ, દિલ્હી, હરિયાણા, યુપી, રાજસ્થાન, ઉત્તરાખંડ અને કેન્દ્રશાસિત પ્રદેશ ચંદીગઢમાં પાડવામાં આવેલા દરોડા દરમિયાન પિસ્તોલ, દારૂગોળો, મોટી માત્રામાં ડિજિટલ પુરાવા અને ગુનાહિત સામગ્રી જપ્ત કરવામાં આવી હતી. અર્શ દલ્લા ઉપરાંત, આ દરોડામાં NIA તપાસના દાયરામાં કુખ્યાત ગેંગસ્ટર લોરેન્સ બિશ્નોઈ, સુખા દુનાકે, હેરી મૌર, નરેન્દ્ર ઉર્ફે લાલી, કાલા જેથેરી, દીપક ટીનુ વગેરેનો સમાવેશ થાય છે.
સાતમી વખત દરોડો પાડવામાં આવ્યો
NIAએ ઓગસ્ટ 2022માં 5 FIR નોંધી હતી. આ એફઆઈઆરમાં આ સાતમી વખત છે જ્યારે NIAએ દરોડા પાડ્યા છે, આ સિવાય આ વર્ષે જુલાઈમાં બે એફઆઈઆર નોંધવામાં આવી હતી, જેમાં દરોડા પાડવામાં આવ્યા હતા. આ મામલા ટાર્ગેટ કિલિંગ, ખાલિસ્તાન સમર્થકોને આતંકવાદી ભંડોળ, ગુંડાઓ દ્વારા ખંડણી વગેરે સાથે સંબંધિત છે. આ કેસોમાં નામના ઘણા ગેંગસ્ટરો અને આતંકવાદીઓ વિવિધ જેલોમાં કેદ છે અથવા પાકિસ્તાન, કેનેડા, મલેશિયા, પોર્ટુગલ અને ઓસ્ટ્રેલિયા જેવા દેશોમાં ભારત વિરુદ્ધ કાવતરું ઘડી રહ્યા છે.
પાકિસ્તાન સિવાય આ દેશોમાંથી નેટવર્ક ચાલી રહ્યું છે
આતંકવાદી-ગેંગસ્ટર-ડ્રગ સ્મગલરની સાંઠગાંઠને તોડી પાડવાના ઉદ્દેશ્ય સાથે, આજના દરોડા વિવિધ ખાલિસ્તાન સંગઠનો અને તેમના ઓપરેટિવ્સ સાથે સંકળાયેલા શસ્ત્ર સપ્લાયર્સ, ફાઇનાન્સર્સ અને લોજિસ્ટિક્સ પ્રદાતાઓ પર કેન્દ્રિત હતા. આ ગેંગ પાકિસ્તાન, યુએઈ, કેનેડા, પોર્ટુગલ અને અન્ય દેશોમાં સ્થિત ડ્રગ્સ સ્મગલરો અને આતંકવાદીઓ સાથે મળીને કામ કરી રહી છે. NIAની તપાસમાં સામે આવ્યું છે કે તેઓ દેશના અલગ-અલગ રાજ્યોની જેલોમાં બેસીને સંગઠિત રીતે ભારત વિરુદ્ધ ષડયંત્રો ઘડી રહ્યા હતા. ઉદાહરણ તરીકે, ગયા વર્ષે પંજાબમાં મહારાષ્ટ્રના બિલ્ડર સંજય બિયાની, ખાણકામના વેપારી મેહલ સિંહ અને આંતરરાષ્ટ્રીય કબડ્ડી ખેલાડી સંદીપ નાંગલની હત્યાનું કાવતરું એકસાથે ઘડવામાં આવ્યું હતું, જેથી પંજાબનું વાતાવરણ ડહોળાય.
ભારત છોડીને વિદેશ ભાગી ગયેલા ગેંગસ્ટરો ત્યાંથી ઓપરેટ કરી રહ્યા છે
NIAની તપાસ મુજબ, ભારતમાં અગાઉ ગેંગ ચલાવતા ઘણા મોટા ગેંગસ્ટરો તાજેતરના વર્ષોમાં વિદેશ ભાગી ગયા છે અને હવે ત્યાંથી તેમની આતંકવાદી પ્રવૃત્તિઓને અંજામ આપી રહ્યા છે. આ ગેંગસ્ટરમાંથી આતંકવાદી બનેલા ગુનેગારો ભારતની વિવિધ જેલોમાં બંધ ગુનેગારો સાથે કરાર કરીને હત્યા સહિતના ગંભીર ગુનાઓનું કાવતરું ઘડવામાં અને આચરવામાં રોકાયેલા છે. આ ખાલિસ્તાન તરફી સંગઠનો ટાર્ગેટ કિલિંગ, ડ્રગ્સ-હથિયારોની દાણચોરી, હવાલા અને ખંડણી દ્વારા ભંડોળ એકત્ર કરવામાં વ્યસ્ત છે. ગોઇંદવાલ જેલની અંદર હિંસા અને હત્યા જેવી ગંભીર ઘટનાઓ જુદી જુદી જેલોમાં ગુંડાઓ અને આતંકવાદીઓ વચ્ચેના આ જોડાણનું પરિણામ હતું. અગાઉ પણ NIAએ 370 થી વધુ સ્થાનો પર સમાન ગેંગસ્ટરો વિરુદ્ધ સમાન દરોડા પાડ્યા હતા, જેમાં 4 ઘાતક હથિયારો સહિત 38 હથિયારો સાથે 1129 રાઉન્ડ દારૂગોળો જપ્ત કરવામાં આવ્યો હતો.
NIAએ અત્યાર સુધીમાં 87 બેંક ખાતાઓ ફ્રીઝ કરી દીધા છે અને 13 મિલકતો જપ્ત કરી છે. આ સિવાય 331 ડિજિટલ ઉપકરણો, 418 દસ્તાવેજો અને બે વાહનો જપ્ત કરવામાં આવ્યા છે. બે ભાગેડુઓને ગેઝેટેડ અને આતંકવાદી જાહેર કરવામાં આવ્યા છે અને 15 આરોપીઓને ભાગેડુ ગુનેગાર જાહેર કરવામાં આવ્યા છે, જ્યારે અન્ય 9 સામે રેડ કોર્નર નોટિસ (RCN) જારી કરવામાં આવી છે. આ કાર્યવાહી અર્શદીપ સિંહ દલ્લા અને કુખ્યાત ગેંગસ્ટરો વચ્ચેની સાંઠગાંઠ તોડવાની દિશામાં એક મહત્વપૂર્ણ પગલું હતું. આ ઉપરાંત, આ પગલું તેમના ભંડોળ, ડ્રગ્સ અને આતંકવાદી જોડાણને તોડવામાં પણ મદદ કરશે.
મોંઘેરા પર્યટકોએ ‘પેલેસ ઓન વ્હીલ્સ’ ટ્રેનમાં ઉજવ્યો ‘વિશ્વ પ્રવાસ દિવસ’
આઇસી15 ઇન્ડેક્સ 296 પોઇન્ટ વધ્યો
મુંબઈઃ અમેરિકામાં સ્પોટ બિટકોઇન ઈટીએફને મંજૂરી આપવા માટે સંસદસભ્યો સિક્યોરિટીઝ એન્ડ એક્સચેન્જ કમિશનને અનુરોધ કરી રહ્યા છે એવા સમયે વૈશ્વિક ક્રીપ્ટોકરન્સી માર્કેટમાં સુધારો થોડો આગળ વધ્યો છે. સંસદસભ્યોનું કહેવું છે કે કમિશને બિટકોઇન ઈટીએફને અટકાવવાને બદલે અદાલતોનું મંતવ્ય ધ્યાનમાં લેવું જોઈએ.
દરમિયાન, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બુધવારે બપોરે ચાર વાગ્યે પૂરા થયેલા ચોવીસ કલાકમાં 0.87 ટકા (296 પોઇન્ટ) વધીને 34,234 પોઇન્ટ બંધ રહ્યો હતો. ઇન્ડેક્સ 33,938 ખૂલ્યા બાદ 34,253ની ઉપલી અને 33,740ની નીચલી સપાટીએ પહોંચ્યો હતો.
બીજી બાજુ, ક્રીપ્ટોકરન્સી એક્સચેન્જ – જેમિની વિસ્તરણની પ્રક્રિયા હાથ ધરી રહ્યું છે. એક્સચેન્જ ગુરગાંવમાં કાર્યાલય સ્થાપીને બે વર્ષના ગાળામાં આશરે 200 કરોડ રૂપિયાનું રોકાણ કરવા ધારે છે. એક અહેવાલ મુજબ ચીનનું શાંઘાઈ શહેર હવે વર્ષ 2025 સુધીમાં બ્લોકચેઇન શહેર બનવા ઈચ્છે છે. એના માટેની તૈયારીઓ શરૂ કરી દેવાઈ છે.
મોદી સ્ટેડિયમમાં વર્લ્ડકપ મેચ વખતે હુમલો કરવાની ખાલિસ્તાની આતંકવાદીની ધમકી
ઓટ્ટાવાઃ કેનેડામાં રહીને ભારત-વિરોધી પ્રવૃત્તિ કરનાર ખાલિસ્તાની આતંકવાદી ગુરપતવંત સિંહ પન્નૂનએ ભારત અને વડા પ્રધાન નરેન્દ્ર મોદીને નવી ધમકી આપી છે. હરદીપ સિંહ નિજ્જરના કરાયેલા ખાત્મા અને કેનેડિયન વડા પ્રધાન જસ્ટિન ટ્રુડોના કથિતપણે કરાયેલા અપમાનથી ભડકેલા પન્નૂનએ નવી ધમકીમાં કહ્યું છે કે તે અમદાવાદમાં નરેન્દ્ર મોદી સ્ટેડિયમ પર પાંચમી ઓક્ટોબરે હુમલો કરવા વિચારી રહ્યો છે. એ દિવસે આ સ્ટેડિયમમાં આઈસીસી ODI વર્લ્ડ કપ-2023માં ઈંગ્લેન્ડ અને ન્યૂઝીલેન્ડ વચ્ચે પહેલી મેચ રમાવાની છે.
પન્નૂન દ્વારા ધમકી આપતો એક પ્રી-રેકોર્ડેડ ફોન કોલ સોશિયલ મીડિયા પર વાઈરલ થયો છે. ગંભીર પરિણામો ભોગવવાની આ ધમકી પન્નૂને પોતે રચેલા શીખ્સ ફોર જસ્ટિસ (એસએફજે) વતી આપી છે.
પન્નૂન ફોન કોલમાં આવું બોલે છેઃ ‘આ ઓક્ટોબરમાં વર્લ્ડ ક્રિકેટ કપની નહીં, પણ વર્લ્ડ ટેરર કપની શરૂઆત થશે. આ મેસેજ છે એસએફજે જનરલ કાઉન્સિલના ગુરપતવંત સિંહ પન્નૂનનો.’
SVPI એરપોર્ટના પેસેન્જર ટ્રાફિકમાં 35 ટકાની વૃદ્ધિ નોંધાઈ
અમદાવાદઃ અમદાવાદ સ્થિત સરદાર વલ્લભભાઈ પટેલ ઇન્ટરનેશનલ એરપોર્ટ (SVPIA) પર સપ્ટેમ્બર, 2023 સુધીમાં પ્રવાસીઓની સંખ્યામાં 35 ટકા વધારા સાથે ટ્રાફિકમાં નોંધપાત્ર વૃદ્ધિ નોંધાઈ છે. સપ્ટેમ્બર, 2023 સુધીમાં SVPIA એ પાંચ મિલિયનથી વધુ મુસાફરોને હેન્ડલ કર્યા છે. જે અગાઉના વર્ષની તુલનામાં (3.9 મિલિયન) 35 ટકાની વૃદ્ધિ દર્શાવે છે. ગત સપ્તાહ સુધીમાં એરપોર્ટ પર 28,969 સ્થાનિક આવા-ગમન અને 5193 આંતરરાષ્ટ્રીય ATM નોંધાયા હતા.
વર્ષમાં ટોચનાં ડોમેસ્ટિક સ્થળોમાં દિલ્હી, મુંબઈ, ભોપાલ, કોલકાતા અને વારાણસી જ્યારે ટોચના આંતરરાષ્ટ્રીય સ્થળો તરીકે લંડન (ગેટવિક), દોહા અને સિંગાપોર ઊભરી આવ્યાં છે. સિંગાપોર, હો ચી મિન્હ સિટી, દુબઈ, લંડન અને દોહા 2022-23ના સમાન સમયગાળાની સરખામણીમાં ટોચના વિકસતા માર્ગો પૈકીના છે.
અમદાવાદ એરપોર્ટે તાજેતરમાં ઇન્ટરનેશનલ ટર્મિનલ – T2માં 24 ઇમિગ્રેશન કાઉન્ટર ધરાવતા ઇમિગ્રેશન હોલનું ઉદઘાટન કર્યું છે. જેનાથી આંતરરાષ્ટ્રીય મુસાફરોને વધુ સારી સેવાઓ અને સુવિધાઓ મળી રહી છે. વળી, ડોમેસ્ટિક ટર્મિનલ-T1 માં આગમન વિસ્તારમાં વધારાના સામાનનો પટ્ટો, સમર્પિત પિકઅપ અને ડ્રોપ-ઓફ ઝોન, પ્રસ્થાન સમયે ચેક-ઇન કાઉન્ટર્સની સંખ્યામાં વધારો વગેરેનો સમાવેશ થાય છે.
ગત વર્ષની સરખામણીએ ઓગસ્ટ, 2023 સુધીમાં SVPIAના સ્વ-સંચાલિત કાર્ગો ટર્મિનલ્સમાં કાર્ગો ટનેજમાં નોંધપાત્ર 14 ટકાનો વધારો થયો છે. SVPIA દ્વારા સંચાલિત આંતરરાષ્ટ્રીય કાર્ગો ટર્મિનલ-T3 પેલેટાઇઝ્ડ કાર્ગો સ્વીકૃતિને સક્ષમ કરવા માટે મોટા કદના એક્સ-રે મશીન સાથે તેની ક્ષમતા વધારવા વિચારી રહ્યું છે. T3 હવે કસ્ટમ-એપ્રુવ્ડ કુરિયર પાર્ટનર દ્વારા યુએસએ, યુકે, ઓસ્ટ્રેલિયા અને ન્યુ ઝીલેન્ડ સહિતના વિવિધ દેશોમાં આંતરરાષ્ટ્રીય કુરિયર્સની પ્રક્રિયા કરી રહ્યું છે. SVPIA વિશ્વ-સ્તરીય કાર્ગો હેન્ડલિંગ ઇન્ફ્રાસ્ટ્રક્ચર ધરાવતું એક ઇન્ટિગ્રેટેડ કાર્ગો ટર્મિનલ (ICT) પણ વિકસાવી રહ્યું છે.
SVPIA પેસેન્જર ટ્રાફિક અને કાર્ગો સંખ્યા એરપોર્ટની અવિરત વૃદ્ધિ સાથે મુસાફરો અને તેના વ્યવસાયિક ભાગીદારોની સેવાઓમાં વિશ્વાસને પ્રતિબિંબિત કરે છે. SVPIA સીમલેસ અને વર્લ્ડ-ક્લાસ હોસ્પિટાલિટી, દેશભરમાં જોડાણો અને સલામતી અને સુરક્ષાને સર્વોચ્ચ પ્રાધાન્ય આપવા પ્રતિબદ્ધ છે.