અમદાવાદ: અલાયન્સ ફ્રાંસેઝ દ’અહમદાબાદ દ્વારા ‘Women of Bangalore’ પ્રદર્શન રજૂ કરવામાં આવી રહ્યું છે. જેમાં ફ્રેન્ચ-ઇન્ડિયન કલાકાર ઓલમ્પ રામકૃષ્ણા દ્વારા બનેલ 12 ચિત્રો પ્રદર્શિત કરવામાં આવશે.
આ ચિત્રોમાં બેંગલોરની 11 મધ્યમ વર્ગીય મહિલાઓ અને એક સ્વ-ચિત્ર સામેલ છે. જે પરંપરા અને આધુનિકતાની સમજૂતી રજૂ કરે છે. તે મૂળ ઓઇલ પેઇન્ટિંગ છે, જે હવે રેશમના કૅનવાસ પર ડિજિટલી છાપવામાં આવી છે. આ ચિત્રોમાં ભારતીય સ્ત્રીઓની શક્તિ અને સૌંદર્ય દર્શાવવામાં આવ્યા છે.
ઓલમ્પ રામકૃષ્ણા પેરિસમાં અભ્યાસ કરેલા કલાકાર છે અને મહિલાઓના હક્કો માટે કાનૂની અને કળાત્મક સ્તરે કાર્યરત છે. આ કાર્યક્રમ 6 ફેબ્રુઆરીના રોજ સાંજ 6:00 થી 8:00 વાગ્યા સુધી અલાયન્સ ફ્રાંસેઝ દ’અહમદાબાદ કેમ્પસ ખાતે યોજાવાનો છે.
