અમદાવાદઃ લોકસભામાં વિપક્ષના નેતા અને કોંગ્રેસ નેતા આજથી બે દિવસ ગુજરાતની મુલાકાતે છે. તેમણે જુલાઈ, 2024માં કહ્યું હતું કે અમે ગુજરાતમાં મોદી અને ભાજપને હરાવીશું. મહારાષ્ટ્ર, હરિયાણ અનેદિલ્હીમાં કોંગ્રેસની હાર પછી કોંગ્રેસ ભાજપના ગઢમાં ઘેરવા ઇચ્છે છે.
રાહુલ ગાંધી પણ આજથી બે દિવસ માટે ગુજરાતના પ્રવાસે છે. આ દરમિયાન કોંગ્રેસ નેતા રાહુલ ગાંધીના સ્વાગત માટે પોસ્ટર સાથે આવેલા ધારાસભ્ય શૈલેશ પરમારના સમર્થકો એરપોર્ટ પર પહોંચ્યા હતા. હાલ કોંગ્રેસ નેતા રાહુલ ગાંધી અમદાવાદ એરપોર્ટથી કોંગ્રેસ ભવન જવા રવાના થયા છે.
રાહુલ ગાંધી આ દરમિયાન અમદાવાદના કોંગ્રેસ ભવનમાં 10થી સાંજે 7 વાગ્યા દરમિયાન કુલ 4 અલગ-અલગ બેઠકમાં ભાગ લેશે. જેમાં કાર્યકરો સાથે સીધો સંવાદ કરશે.
રાહુલ ગાંધી બે દિવસ ગુજરાતના પ્રવાસે
તેઓ પૂર્વ પ્રદેશ પ્રમુખ અને પૂર્વ નેતાઓ સાથે બેઠક કરીને વિવિધ સેલના હોદ્દેદારો સાથે સીધો સંવાદ કરશે. ત્યાર બાદ 44 જિલ્લા અને શહેર પ્રમુખ સાથે અને એ પછી તાલુકા અને નગરપાલિકા પ્રમુખ સાથે સંવાદ કરશે. તેઓ રાત્રિ રોકાણ અમદાવાદમાં કરશે.
जननायक श्री राहुल गांधी जी का गुजरात की पावन भूमि पर हार्दिक स्वागत है । सत्य और न्याय की राह पर आपके संघर्ष को नमन!#welcome #RahulGandhi #gujarat #RGInGujarat pic.twitter.com/t1ePYzsjTV
— Geniben Thakor (@GenibenThakor) March 6, 2025
તેઓ આવતી કાલે રાજપથ ક્લબ પાસેના ઝેડએ હોલમાં કાર્યકર્તાઓના સંમેલનને સંબોધિત કરશે. આ કાર્યક્રમમાં પ્રદેશ, જિલ્લા, શહેર અને સેલના તમામ હોદ્દેદારો હાજરી આપશે.
