તામિલનાડુ: સાઉથના જાણીતા અભિનેતા જીવા બુધવારે સાંજે પત્ની સુપ્રિયા સાથે ચેન્નાઈ જઈ રહ્યા હતા. ત્યારે રસ્તામાં તેમની કારને ભયાનક અકસ્માત નડ્યો હતો. આ અકસ્માત તમિલનાડુના કલ્લાકુરિચીમાં બન્યો હતો. આ અકસ્માતમાં કારનું બમ્પર તૂટી ગયું હતું. જો કે, સદનસીબે જીવા કે તેમના પત્ની સુપ્રિયાને કોઈ ગંભીર ઈજાઓ થઈ નથી. આ અકસ્માતની તસવીરો અને વીડિયો સામે આવ્યા છે.
Actor #Jeeva met with a car accident at #Kallakurichi.
Fortunately, despite severe damage to the car, both Jiva and his wife escaped without any injury. pic.twitter.com/bQ5KY88aXM
— Manobala Vijayabalan (@ManobalaV) September 11, 2024
ઉપરના વીડિયોમાં જોઇ શકાય છે કે, અકસ્માતમાં જીવાની કારનું બોનેટ ખરાબ રીતે ક્ષતિગ્રસ્ત થઈ ગયું છે. આ અકસ્માતના કારણે તેની કારની આસપાસ લોકોની ભીડ એકઠી થઇ હતી. ઘણા લોકો આ ઘટનાનો વીડિયો બનાવી રહ્યાં હતા. આ ઘટનાની જાણ થતાં જ પોલીસ તાત્કાલિક ઘટના સ્થળે પહોંચી હતી અને લોકોના ટોળાને હટાવવાનું કામ શરૂ કરી દીધું હતું. થોડીવાર પછી જીવા ત્યાંથી પત્ની સાથે બીજી કારમાં નીકળી ગયા હતા.
