નવી દિલ્હીઃ એશિયન ગેમ્સમાં ભારતીય મહિલા કબડ્ડી ટીમે ગોલ્ડ મેડલ જીત્યો છે. ભારતીય મહિલા ટીમે કબડ્ડીની ફાઇનલમાં ચીની તાઇપેને હરાવીને ગોલ્ડ મેડલ હાંસલ કર્યો છે. આ જીત સાથે ભારતે સૌપ્રથમ વાર એશિયન ગેમ્સમાં મેડલની સદી વટાવી છે. એશિયન ગેમ્સમાં આ ગોલ્ડ મેડલ ભારતનો 25મો ગોલ્ડ છે.
મહિલા કબડ્ડી ચીની તાઇપેએ રોમાંચક ફાઇનલમાં 26.25થી હરાવીને ગોલ્ડ મેડલ જીત્યો હતો. ભારતીય મહિલા કબડ્ડી ટીમનો આ ત્રીજો મેડલ છે. આ પહેલાં જાકાર્તામાં ટીમે સિલ્વર મેડલ જીત્યો હતો. ફાઇનલ મેચમાં ચીની તાઇપેએ ટફ ફાઇટ આપી હતી, પરંતુ ભારતે એક પોઇન્ટથી મેચ જીતી લીધી હતી.
આ સાથે એશિયન ગેમ્સના 14મા દિવસે તીરંદાજી કમ્પાઉન્ડમાં ભારતને ચાર મેડલ મળ્યા. જેમાં બે ગોલ્ડ, એક સિલ્વર અને એક બ્રોન્ઝનો સમાવેશ થાય છે. દિવસનો પ્રારંભ તીરંદાજીની કમ્પાઉન્ડ વ્યક્તિગત મહિલા ઇવેન્ટમાં બે મેડલ સાથે થઈ હતી. ભારતે મેન્સ કમ્પાઉન્ડ ઈવેન્ટમાં ગોલ્ડ અને સિલ્વર બંને જીત્યા છે. ફાઇનલમાં ઓજસ દેવતલેએ અભિષેક વર્માને હરાવી ગોલ્ડ મેડલ જીત્યો હતો. જ્યારે અભિષેકને પણ સિલ્વર મેડલ મળ્યો હતો. આ પહેલા 14માં દિવસે તીરંદાજીમાં પણ પહેલો મેડલ જીત્યો હતો. શનિવારે, અદિતિ ગોપીચંદ સ્વામીએ કમ્પાઉન્ડ વ્યક્તિગત મહિલા તીરંદાજીમાં ભારતનો પહેલો મેડલ જીત્યો. અદિતિએ બ્રોન્ઝ મેડલ માટેની મેચમાં ઇન્ડોનેશિયાની રતિહ ફડલીને 146-140થી હરાવ્યો.આ સાથે વડા પ્રધાન મોદીએ પણ ભારતના 100 મેડલ થવા પર ટ્વીટ કરીને ખુશી વ્યક્ત કરી હતી.
A momentous achievement for India at the Asian Games!
The people of India are thrilled that we have reached a remarkable milestone of 100 medals.
I extend my heartfelt congratulations to our phenomenal athletes whose efforts have led to this historic milestone for India.… pic.twitter.com/CucQ41gYnA
— Narendra Modi (@narendramodi) October 7, 2023
આ સાથે જ ભારતને આ જ ઈવેન્ટમાં બીજો મેડલ પણ મળ્યો. ભારતની જ્યોતિ સુરેખા વેન્નમે ગોલ્ડ મેડલ જીત્યો હતો. તેણે ગોલ્ડ માટે સાઉથ કોરિયાની સો ચાવોનને 149-145થી હરાવ્યો. ચાવોનને સિલ્વરથી સંતોષ માનવો પડ્યો.
