બર્મિંઘમઃ ભારતની સ્ટાર બેડમિન્ટન ખેલાડી પી.વી. સિંધુએ આજે કેનેડાની હરીફને ફાઈનલમાં હરાવીને 22મી કોમનવેલ્થ ગેમ્સમાં મહિલાઓની સિંગલ્સનો સુવર્ણ ચંદ્રક જીતી લીધો છે. ઓલિમ્પિક્સ મેડલ-વિજેતા સિંધુએ કેનેડાની મિચેલી લીને 21-15 21-13 સ્કોરથી હરાવી હતી.
વર્તમાન કોમનવેલ્થ ગેમ્સમાં સિંધુએ સિંગલ્સ હરીફાઈમાં તેનો આ પહેલો જ ગોલ્ડ મેડલ જીત્યો છે. 2016ની રિયો ડી જેનેરો ઓલિમ્પિક્સમાં તેણે રજત ચંદ્રક જીત્યો હતો જ્યારે 2020ના ટોક્યો ઓલિમ્પિક્સમાં એણે કાંસ્ય ચંદ્રક જીત્યો હતો. 2019માં વર્લ્ડ ચેમ્પિયનશિપમાં એણે ગોલ્ડ મેડલ જીત્યો હતો.
