મોસ્કો – અહીંના લઝનિકી સ્ટેડિયમ ખાતે આજે ફિફા વર્લ્ડ કપ-2018માં ગ્રુપ-Bની મેચમાં પોર્ટુગલે મોરોક્કોને 1-0થી પરાજય આપ્યો છે. મેચનો એકમાત્ર ગોલ પોર્ટુગલના કેપ્ટન ક્રિસ્ટીયાનો રોનાલ્ડોએ કર્યો હતો.
રોનાલ્ડોએ હેડર ગોલ મેચની ચોથી મિનિટે કર્યો હતો.
ગ્રુપમાં પોર્ટુગલનો આ પહેલો વિજય છે. પહેલી મેચ સ્પેન સામે રમાઈ હતી જે 3-3થી ડ્રોમાં પરિણમી હતી. એ મેચના ત્રણેય ગોલ રોનાલ્ડોએ કર્યા હતા.
આફ્રિકી દેશની ટીમ મોરોક્કોએ ગોલ કરવાના અનેક પ્રયાસો કર્યા હતા, પણ એને સફળતા મળી નહોતી.
ગ્રુપમાં મોરોક્કોનો આ બીજો પરાજય છે. પહેલી મેચમાં એનો ઈરાન સામે 0-1થી પરાજય થયો હતો. આમ, સ્પર્ધામાંથી બાકાત થવાની એની સંભાવના વધી ગઈ છે.
