ઓલિમ્પિક્સના અંત સુધી પુનિયાના સોશિયલ-મિડિયા હેન્ડલ્સ બંધ

પટનાઃ દેશનો ટોચનો કુસ્તીબાજ બજરંગ પુનિયા ગયા અઠવાડિયે 27 વર્ષનો થયો. એ 4-7 માર્ચ દરમિયાન ઈટાલીના રોમમાં યોજાનાર મેટીઓ પેલીકોન વર્લ્ડ રેન્કિંગ સિરીઝમાં ભાગ લેવાનો છે. એણે કહ્યું છે કે આ વર્ષે ટોકિયોમાં ઓલિમ્પિક રમતોત્સવ યોજાવાનો છે અને તે પૂરો થાય ત્યાં સુધી પોતે પોતાના સોશિયલ મિડિયાના એકાઉન્ટ્સ બંધ રાખશે.

ઓલિમ્પિક્સ આ વર્ષની 23 જુલાઈથી 8 ઓગસ્ટ સુધી ટોકિયોમાં યોજવાનું નિર્ધારિત છે. પુનિયા એશિયન ગેમ્સમાં ગોલ્ડ મેડલ વિજેતા બન્યો હતો અને ઓલિમ્પિક્સમાં પણ એ ભારતને મેડલ અપાવે એવી તેની પાસે અપેક્ષા રખાય છે. 2019ની વર્લ્ડ રેસલિંગ ચેમ્પિયનશિપમાં કાંસ્યચંદ્રક જીતીને પુનિયા 2020ની ટોકિયો ઓલિમ્પિક્સ માટે ક્વોલિફાય થયો હતો, પરંતુ કોરોના વાઈરસ રોગચાળો ફેલાતા ઓલિમ્પિક્સને એક વર્ષ મોકૂફ રાખવામાં આવી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]