ટીમ ઈન્ડિયા આવતા વર્ષે ઈંગ્લેન્ડમાં ટેસ્ટશ્રેણી રમશે

મુંબઈઃ ભારતીય ક્રિકેટ ટીમ આવતા વર્ષના ઓગસ્ટ-સપ્ટેમ્બરમાં ઈંગ્લેન્ડના પ્રવાસે જશે અને ત્યાં પાંચ-મેચોની ટેસ્ટ શ્રેણી રમશે. આ જાહેરાત ઈંગ્લેન્ડ એન્ડ વેલ્સ ક્રિકેટ બોર્ડ (ઈસીબી)એ કરી છે. પાંચ ટેસ્ટ મેચનો કાર્યક્રમ આ મુજબ છેઃ પહેલી ટેસ્ટ ઓગસ્ટ 4-8 (ટ્રેન્ટબ્રિજ), બીજી ટેસ્ટ ઓગસ્ટ 12-16 (લોર્ડ્સ), ત્રીજી ટેસ્ટ ઓગસ્ટ 25-29 (હેડિંગ્લી), ચોથી ટેસ્ટ સપ્ટેમ્બર 2-6 (ઓવલ), પાંચમી ટેસ્ટ સપ્ટેમ્બર 10-14 (ઓલ્ડ ટ્રેફર્ડ).

ઈંગ્લેન્ડની ટીમ તે પહેલાં 2021ના ફેબ્રુઆરી-માર્ચમાં ભારતના પ્રવાસે આવશે અને ટેસ્ટ સિરીઝ રમશે.

વિરાટ કોહલી અને તેના સાથીઓ એમના છેલ્લા ઈંગ્લેન્ડ પ્રવાસમાં પાંચ-ટેસ્ટની શ્રેણી 1-4થી શરમજનક રીતે હારી ગયા હતા.