નવી દિલ્હીઃ ગ્લોબલ હેલ્થ એક્સપર્ટ્સ દ્વારા કહેવામાં આવ્યું છે કે જ્યાં સુધી કોવિડ-19 ની વેક્સિન તૈયાર ન થઈ જાય ત્યાં સુધી ટોક્યો ઓલમ્પિકનું આયોજન થવું અશક્ય છે.
પ્રોફેસર દેવી શ્રીધરે કહ્યું કે, ઓલમ્પિકના સમય પર આયોજન માટે વેક્સિન તૈયાર થવી મહત્વપૂર્ણ છે કે જેથી ઓલમ્પિક 2021નું આયોજન થઈ શકે. જો કે તેમણે આ સાથે જ કહ્યું કે, એવી અપેક્ષા રાખવામાં આવી રહી છે કે વેક્સિનની શોધ જલ્દી જ કરી લેવામાં આવશે.
શ્રીધરે જણાવ્યું કે, વૈજ્ઞાનિકો પાસેથી આપણે સાંભળી રહ્યું છે કે આ શક્ય થાય એવી શક્યતાઓ છે. મેં વિચાર્યું હતું કે એક-દોઢ વર્ષ લાગશે પરંતુ હવે લાગી રહ્યું છે કે આ વેક્સિન જલ્દી જ માર્કેટમાં આવી શકે છે.
તેમણે કહ્યું કે, જો આપણે આવતા વર્ષ સુધીમાં વેક્સિન પ્રાપ્ત કરી લેશું તો મને લાગે છે કે વાસ્તવમાં ઓલમ્પિક શક્ય છે. આ વેક્સિન ગેમ ચેન્જર, પ્રભાવી અને સસ્તા દર પર ઉપ્લબ્ધ થશે. જો આપણને સફળતા ન મળે તો મને નથી લાગતું કે આ ઓલમ્પિકનું આયોજન થવું અઘરું છે.
ટોક્યો ઓલમ્પિકનું આયોજન આ વર્ષે 24 જુલાઈથી 9 ઓગસ્ટ સુધી થવાનું હતું પરંંતુ કોરોના વાયરસના કારણે આને આવતા વર્ષ સુધી ટાળી દેવામાં આવી છે અને આવતા વર્ષે 23 જુલાઈથી 8 ઓગસ્ટ વચ્ચે કરવાનું આયોજન છે.
