અમદાવાદ: ગુજરાત રાજ્ય માધ્યમિક શિક્ષણ વિભાગ અને ઉચ્ચતર માધ્યમિક શિક્ષણ વિભાગ 2025ની પરીક્ષા 27 ફેબ્રુઆરીના રોજ શરૂ થશે. ધોરણ દશ અને બારની આ પરીક્ષા પહેલાં બોર્ડ તેમજ શાળાઓએ વિદ્યાર્થીઓની સગવડતા માટે તમામ તૈયારીઓ કરી દીધી છે.
26મી ફેબ્રુઆરીએ શિવરાત્રિ હોવાના કારણે આજે વહેલી સવારથી જ પરીક્ષા કેન્દ્રો પર વિદ્યાર્થીઓના ફાળવેલા ક્લાસરૂમ તેમજ બેઠક વ્યવસ્થા જોવાનું આયોજન સંચાલકો દ્વારા કરવામાં આવ્યું હતું.
અમદાવાદ શહેરના પશ્વિમ અને પૂર્વ વિભાગના પરીક્ષા કેન્દ્ર પર બેઠક વ્યવસ્થા જોવા વિદ્યાર્થીઓએ શાળાઓની મુલાકાત લીધી હતી.
(પ્રજ્ઞેશ વ્યાસ – અમદાવાદ)
