પાકિસ્તાની શકમંદનો પંજાબ બોર્ડરથી ભારતમાં ઘુસણખોરીનો પ્રયાસ

પંજાબના પઠાણકોટના પહાડીપુર વિસ્તારમાં બોર્ડર સિક્યોરિટી ફોર્સે મોડી રાત્રે બે શકમંદોને જોયા હતા. શંકાસ્પદને જોતા જ બીએસએફ જવાનોએ ગોળીબાર કર્યો હતો. સુત્રો પાસેથી મળેલી માહિતી મુજબ સરહદ પારથી ઘૂસણખોરી કરવાના બંને પ્રયાસને નિષ્ફળ બનાવાયો હતો. સૂત્રોએ એમ પણ જણાવ્યું કે કુલ 7 રાઉન્ડ ફાયરિંગ કરવામાં આવ્યું હતું. બંને ઘૂસણખોરો મોડી રાત્રે સરહદ પાર કરીને પાછા ફર્યા હતા.

BSFએ પાકિસ્તાની ડ્રોનને તોડી પાડ્યું

આ સાથે, બોર્ડર સિક્યોરિટી ફોર્સ (BSF) એ શુક્રવારે રાત્રે પંજાબના અમૃતસર સેક્ટરમાં ભારત-પાકિસ્તાન આંતરરાષ્ટ્રીય સરહદ પર એક પાકિસ્તાની ડ્રોનને તોડી પાડ્યું હતું. આ ઘટના 25 નવેમ્બરે મોડી રાત્રે બની હતી જ્યારે ફોરવર્ડ એરિયામાં તૈનાત 144 બટાલિયનના BSF જવાનોએ પાકિસ્તાન તરફથી ભારતીય વિસ્તારમાં ઘૂસતા શંકાસ્પદ ફ્લાઈંગ ઑબ્જેક્ટ/ડ્રોનનો અવાજ સાંભળ્યો હતો.

સૈનિકોએ અનેક રાઉન્ડ ગોળીબાર કર્યો

ઘૂસણખોરીને નિષ્ફળ બનાવવા માટે તાત્કાલિક જવાબમાં, સૈનિકોએ ડ્રોનને નીચે લાવવા માટે ઘણા રાઉન્ડ ફાયરિંગ કર્યા. આ પછી, જવાનોએ ડ્રોનને જપ્ત કર્યું અને અમૃતસર રેન્જના ડીઆઈજી સહિત બીએસએફના વરિષ્ઠ અધિકારીઓ નિરીક્ષણ કરવા સ્થળ પર પહોંચ્યા.

કસ્ટમાઇઝ્ડ ડ્રોન વડે ઘૂસણખોરીનો પ્રયાસ

મીડિયા અહેવાલો અનુસાર, આ એક કસ્ટમાઇઝ્ડ ડ્રોન છે જેનો ઉપયોગ પાકિસ્તાન દ્વારા ભારતીય ક્ષેત્રમાં નાર્કોટિક્સ હથિયારો ધકેલવા માટે કરવામાં આવ્યો હતો. સુરક્ષા અધિકારીઓએ સમગ્ર વિસ્તારમાં સર્ચ ઓપરેશન શરૂ કરી દીધું છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]