નવી દિલ્હીઃ વડા પ્રધાન નરેન્દ્ર મોદીના અત્રેના નિવાસસ્થાનની ઉપર આજે સવારે લગભગ પાંચ વાગ્યાની આસપાસ એક ડ્રોન ચકરાવો લેતું દેખાયું હતું. સ્પેશિયલ પ્રોટેક્શન ગ્રુપ (એસપીજી)ના સત્તાવાળાઓએ તરત જ એ વિશે દિલ્હી પોલીસને જાણ કરી હતી. દિલ્હી પોલીસે આ વિશે કેસ નોંધી તપાસ આદરી છે.
(ફાઈલ તસવીર પ્રતીકાત્મક તસવીર)
ઉલ્લેખનીય છે કે, વડા પ્રધાન મોદીનું સત્તાવાર નિવાસસ્થાન મધ્ય દિલ્હીના 7, લોક કલ્યાણ માર્ગ પર આવેલું છે અને આ વિસ્તાર વીવીઆઈપી ઝોન ઘોષિત કરાયો છે. આ વિસ્તારમાં કોઈ પણ પ્રકારના ડ્રોન ઉડાડવાની મનાઈ છે. સમગ્ર વિસ્તારને નો-ફ્લાઈંગ ઝોન ઘોષિત કરવામાં આવ્યો છે.
