નવી દિલ્હીઃ કોરોના કાળમાં પડકારજનક આર્થિક વાતાવરણમાં નાના અને મધ્યમ કદના વેપાર-વ્યવસાયોને મદદ કરવા માટે દૂરદર્શનની સાથે ભાગીદારી કરીને ‘નમસ્તે ડિજિટલ’ નામે એક નવો શો રજૂ કરશે, એમ ટેક્નોલોજી ક્ષેત્રની દિગ્ગજ કંપની ગૂગલએ જણાવ્યું છે. ‘નમસ્તે ડિજિટલ’ શો ભારતના નાના અને મધ્યમ કદના વેપાર-ધંધા (SMBs) માટે ઇન્ટરનેટ વિશે માહિતી આપવા અને વેપારનું વિસ્તરણ કરવામા માટે એક માસ મિડિયા કાર્યક્રમના રૂપે કામ કરશે, એમ ગૂગલે કહ્યું છે.
ગૂગલ ગૂગલ સર્ચ અને મેપ દ્વારા ગ્રાહકોને નાના વેપાર-ધંધાની શોધખોળ કરવા મદદ કરવા માટે નવા પ્રયાસોને આધારે નવી પહેલ કરવા સોફ્ટવેર ડેવલપમેન્ટ કંપની ઝોહો અને પેમેન્ટ ગેટવે ઇન્સ્ટામોજોની સાથે ભાગીદારીમાં ડિજિટલ હાજરી વધારવા માટે વેપાર-વ્યવસાયનું વિસ્તરણ કરવા પર ધ્યાન કેન્દ્રિત કરશે.
વિવિધ વેપાર-ધંધાની જરૂરિયાતોને ધ્યાનમાં રાખતાં ગૂગલ ડિલિવરી સર્વિસ પ્રોવાઇડરો ડુન્ઝો અને સ્વિગી સાથે ઓન-બોર્ડિંગ પ્રક્રિયાને ઝડપી ટ્રેક કરવા માટે ભાગીદારી કરી છે. બંને ભાગીદારોએ નાના વેપારીઓને ઓનલાઇન ઓર્ડર સ્વીકારવા અને ડિલિવરી લોજિસ્ટિકને સક્ષમ કરવા માટે વધારાની સહાય કરવા માટે ગૂગલે પ્રતિબદ્ધતા વ્યક્ત કરી છે.
નવી પહેલ હેઠળ નાના વેપારીઓ ઝોહો ઇન્વેન્ટરીનો ઉપયોગ કરીને બિઝનેસ વેબસાઇટ્સ બનાવી શકશે અને ઝોહો કોમર્સના માધ્યમથી 31 માર્ચ, 2021 સુધી મફતમાં ઓનલાઇન માલસામાન વેચી શકશે.
બીજી બાજુ, ઇન્સ્ટામોજો પ્રીમિયમ ઓનલાઇન સ્ટોર સોલ્યુશન માટે છ મહિના સુધી મફત સબસ્ક્રિપ્શન આપી રહી છે.
આ ઉપરાંત SMBs ઝીરો સાઇન-અપ ફી અને તત્કાળ રજિસ્ટ્રેશનની સાથે ડુન્ઝો 24×7 મર્ચન્ટ સપોર્ટનો લાભ ઉઠાવી શકે છે અને સ્વિગીના સાત દિવસોના ફાસ્ટ ટ્રેક ઓનબોર્ડિંગનો ઉપયોગ કરી શકે છે.
આ બધું દેશમાં SMBs માટે ‘ગ્રો વિથ ગૂગલ સ્મોલ બિઝનેસ’ હબ પર ઉપલબ્ધ હશે, જે આ વર્ષે જુલાઈમાં લોન્ચ કરવામાં આવી હતી.
આજે ડિજિટલનો વપરાશ કરવાની જરૂર છે અને SMBsને ઝડપથી ડિજિટાઇઝ કરવા માટે આકરી મહેનત કરવામાં આવે છે. આપણે હાલના કોરોના કાળમાં નાના વેપાર-ધંધાને ટકાવી રાખવા માટે ડિજિટલ પરિવર્તિત કરવાની અને એમને વેપારની વસૂલી માટે સહાય કરવા માટે બધું કરવાની જરૂર છે, એમ ગૂગલ ઇન્ડિયાના કસ્ટમર સોલ્યુશન્સનાં ડિરેક્ટર શાલિની ગિરિશે કહ્યું હતું.
દેશમાં નાના અને મધ્યમ વેપાર-વ્યવસાયોની જરૂરિયાતો અલગ-અલગ હોય છે. અને આપણે નાના વેપાર-ધંધાને ડિજિટલ થવામાં મદદ કરવાની આવશ્યકતા છે, જેથી અમે ઉદ્યોગના નેતાઓની સાથે ભાગીદારી કરી રહ્યા છીએ, એમ તેમણે કહ્યું હતું.
અહેવાલ અનુસાર નાના વેપાર-ધંધાવાળાઓને ગ્રાહક સંબંધી પડકારો સૌથી વધુ હોય છે. 92 ટકા વેપાર-ધંધાવાળાઓને ગ્રાહક સંબંધિતપડકારો, ઓછી માગ, આવકમાં નુકસાન, અને સ્થિર ખર્ચાની વચ્ચે અન્ય પડકારોનો પણ સામનો કરતા હોય છે.
નાના વેપાર-ધંધાવાળા વેપારીઓનો મદદ કરવાના હેતુથી ગૂગલ ઇન્ડિયા દેશની સ્થાનિક ભારતી ભાષાઓમાં ડિજિટલ ઉપકરણોનો ઉપયોગ કરવા માટે નાના વેપારીઓને શીખવામાં મદદ કરવા માટેના પ્રયાસોમાં પણ મૂડીરોકાણ કરી રહી છે. આ પ્રયાયના ભાગરૂપે ગૂગલે ફિક્કી (ફેડરેશન ઓફ ઇન્ડિયન ચેમ્બર્સ ઓફ કોમર્સ એન્ડ ઇન્ડસ્ટ્રી)ની સાથે મળીને કામ કરી રહી છે, જેણે પહેલાં જ સ્કિલ્ડ પ્રોગ્રામ હેઠળ 12 લાખ વ્યક્તિઓને તાલીમ આપી છે.
