મુંબઈઃ કરોડો ભારતીયો માટે પ્રેરણાના સ્રોત રહેલા રતન ટાટા હવે નથી રહ્યા. અલવિદા રતન ટાટા. ટાટા ગ્રુપને એક નવા શિખરે પહોંચાડનાર રતન ટાટાએ મીઠાથી માંડીને કાર સુધી સોફ્ટવેરથી માંડીને જહાજનો બિઝનેસ કર્યો છે.
રતન ટાટાનો જન્મ 28 ડિસેમ્બર, 1937 થયો હતો. તેમના પિતાનું નામ નવલ ટાટા અને માતાનું નામ સૂની રતન ટાટા હતું. ટાટા ગ્રુપના સ્થાપક જમશેદજી ટાટા એ રતન ટાટાના પરદાદા હતા. તેમનું પાલનપોષણ તેમનાં દાદી રતનજી ટાટાનાં પત્ની નવાજબાઈ ટાટાએ કર્યું હતું.
“रतन टाटा जी का यह आखिरी वीडियो है,इसके बाद उनको कोई देख नहीं पाया!” The Titan#RatanTata pic.twitter.com/5p7XleQJYL
— Qaem Mehdi (@Qaem_Mehdi) October 9, 2024
રતન ટાટાએ વર્ષ 1991માં ટાટા ગ્રુપનું સુકાન સંભાળ્યું હતું. વર્ષ 1996માં તેમણે ટાટા ટેલિની સ્થાપના કરી હતી અને 2004માં TCSને શેરબજારો પર લિસ્ટ કરાવી હતી. ટાટા ગ્રુપ મીઠા અને ચાથી માંડીને IT અને ઓટો બિઝનેસમાં છે.
રતન ટાટાએ દેશમાં સૌપ્રથમ વાર કાર ઇન્ડિકાનું ઉત્પાદન શરૂ કર્યું હતું. દેશમાં 100 ટકા બનેલી આ કારને પહેલી વાર 1998માં એટો એક્સપોમાં અને જેનેવા ઇન્ટરનેશનલ મોટર શોમાં પ્રદર્શિત કરી હતી. તેમના નામે વિશ્વની સૌથી સસ્તી કાર ટાટા નેનો બનાવવાની ઉપલબ્ધિ પણ છે.
ટાટા ગ્રુપે મુખ્ય હસ્તાંતરણ – વર્ષ 2000માં ટાટા ટી દ્વારા 45 કરોડ ડોલરમાં ટેટલીનું હસ્તાતંરણ કર્યું હતું. ત્યાર બાદ 2007માં ટાટા સ્ટીલ દ્વારા 6.2 અબજ પાઉન્ડમાં કોરસનું હસ્તાંતરણ છે. 2008માં ટાટા મોટર્સ દ્વારા 2.3 અબજ ડોલરમાં જેગુઆર લેન્ડ રોવરનું હસ્તાંતરણ છે.
ટાટા ગ્રુપની કુલ 26 કંપનીઓ સ્ટોક માર્કેટમાં લિસ્ટ છે, જેમાંથી આઠ કંપનીઓ એવી છે, જેનું માર્કેટ કેપ રૂ. એક લાખ કરોડથી વધુ છે. ટાટા ગ્રુપને સોલ્ટ ટુ સોફ્ટવેર કહેવામાં આવે છે.
