ચાઈનીઝ એપ Vigo video ભારતમાં બંધ થશે

નવી દિલ્હી: સોશિયલ મીડિયામાં ટિકટોકને લઈને વિવાદ છેડાતો રહે છે, હવે ટિકટોક એપ બનાવનાર કંપની બાઈટડાન્સ (ByteDance) ભારતમાં પોતાની બે પોપ્યુલર વિડિયો એપ્લિકેશન – Vigo Video અને Vigo Lite બંધ કરવાની છે. કંપનીએ આ બંને એપના યુઝર્સને તેમના વિડિયો ટિકટોક પર એક્સપોર્ટ કરવાની તેણે સલાહ આપી છે. ચાઈનિઝ એપ નિર્માતા કંપની ભારતમાં 31 ઓકટોબર 2020 સુધીમાં આ બંને એપને સંપૂર્ણ શટડાઉન કરવા જઈ રહી છે.

ભારતમાં વિગો વિડિયો અને વિગો લાઈટ – બંને એપ્સ બંધ થઇ જશે. વિગો યુઝર્સ 31 ઓકટોબર 2020 સુધી પોતાના વિડિયોને ટિકટોક પર ટ્રાન્સફર કરી શકે છે.

કંપનીએ આ વિડિયો મેકિંગ એપ વર્ષ 2017માં જ લોન્ચ કરી હતી જેમાં 15 સેકંડ સુધીના વિડિયો બનાવી શકાય છે. ટેક ક્રંચના એક રિપોર્ટ અનુસાર વિગો વિડિયો એપના મહિને 40 લાખ એક્ટિવ યુઝર્સ હતા જ્યારે વિગો લાઈટના 15 લાખ જેટલા માસિક એક્ટિવ યુઝર્સ હતા.

કંપનીએ એક લેટર પોસ્ટ કર્યો છે જેનું હેડિંગ –A Farewell Letter છે. જેમાં કહેવામાં આવ્યું છે કે, કંપની Vigo અને Vigo Lite એપ બંધ કરી રહી છે. મહત્વનું છે કે, આ પહેલા આ એપ બ્રાઝિલ અને મિડલ ઈસ્ટ સહિતના કેટલાક દેશોમાં બંધ થઇ ગઈ છે. કંપનીનું કહેવું છે કે, આ એપ બંધ કરીને પોતાનું ધ્યાન અન્ય બિઝનેસ પર કેન્દ્રિત કરવા માંગે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]