મુંબઈથી વાપી-વલસાડ વચ્ચે 5 અનરિઝર્વ્ડ-ટ્રેનો ફરી શરૂ

મુંબઈઃ ટૂંકા અંતરે નિયમિત અવરજવર કરતા ટ્રેનપ્રવાસીઓને મોટી રાહત આપીને પશ્ચિમ રેલવેએ મુંબઈ ડિવિઝનમાં અનેક સ્ટેશનો સુધી તેની પાંચ અનરિઝર્વ્ડ સ્પેશિયલ ટ્રેનોની સેવાઓ 20 મહિના બાદ ફરી શરૂ કરી છે. આ ટ્રેન સેવાઓ દેશવ્યાપી લોકડાઉનને પગલે 2020ના માર્ચથી બંધ કરવામાં આવી હતી. હવે આ ટ્રેનોને ફરી શરૂ કરાતાં મુંબઈથી વાપી, વલસાડ અને સુરત સેક્ટરો વચ્ચે દૈનિક પ્રવાસ કરતા હજારો લોકોને મોટી રાહત થશે.

09159 બાન્દ્રા-વાપી અનરિઝર્વ્ડ સ્પેશિયલ (દૈનિક) ટ્રેન દરરોજ સવારે 9.15 વાગ્યે બાન્દ્રાથી ઉપડશે અને એ જ દિવસે બપોરે 1.25 વાગ્યે વાપી જશે. આ ટ્રેન અંધેરી, બોરીવલી, ભાયંદર, વસઈ રોડ, વિરાર, સફાળે, કેળવે રોડ, પાલઘર, બોઈસર, વાનગાંવ, દહાણુ રોડ, ઘોલવડ, બોરડી રોડ, ઉમરગામ, સંજાણ, ભિલાડ, કરમબેલી સ્ટેશનોએ થોભશે.

વાપી-વિરાર શટલ અનરિઝર્વ્ડ સ્પેશિયલ (દૈનિક) ટ્રેન, વિરાર-સુરત અનરિઝર્વ્ડ એક્સપ્રેસ (દૈનિક), વિરાર-વલસાડ શટલ અનરિઝર્વ્ડ સ્પેશિયલ (દૈનિક) અને વલસાડ-બાન્દ્રા ટર્મિનસ અનરિઝર્વ્ડ સ્પેશિયલ (દૈનિક) ટ્રેનોને પણ ફરી શરૂ કરાઈ છે.

વિરાર-સુરત અનરિઝર્વ્ડ એક્સપ્રેસ ટ્રેન વિરારથી દરરોજ સાંજે 5.05 વાગ્યે ઉપડશે અને એ જ દિવસે રાતે 11.20 વાગ્યે સુરત પહોંચશે. વળતી સફરમાં, ટ્રેન દરરોજ સવારે સુરતથી 4.15 વાગ્યે ઉપડશે અને એ જ દિવસે સવારે 9.55 વાગ્યે વિરાર પહોંચશે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]