મહારાષ્ટ્રમાં અત્યાર સુધીમાં સામાન્ય કરતાં 16 ટકા વધારે વરસાદ થયો

મુંબઈઃ આ વર્ષે ચોમાસાની મોસમમાં મહારાષ્ટ્રમાં અત્યાર સુધીમાં સારો વરસાદ થયો છે. હવામાન વિભાગના જણાવ્યા મુજબ રાજ્યમાં અત્યાર સુધીમાં નોર્મલ સરેરાશ કરતાં 16 ટકા વધારે વરસાદ પડી ચૂક્યો છે.

રાજ્યમાં 1 જૂનથી 17 ઓગસ્ટ સુધીમાં 826 મિ.મી. વરસાદ પડી ચૂક્યો હતો. આ જ સમયગાળા માટે નોર્મલ એવરેજ 713 મિ.મી.ની છે.

આમ, આ વખતનો વરસાદ 16 ટકા વધારે બતાવે છે. તે છતાં હવામાન વિભાગની સ્કેલ આને હજી નોર્મલ વરસાદ તરીકે જ ઓળખાવે છે.

રાજ્યના કુલ 36માંથી છ જિલ્લામાં જરૂર કરતાં વધારે વરસાદ પડ્યો છે જ્યારે યવતમાળ, ગોંદિયા અને આકોલામાં વરસાદની ખાધ નોંધાઈ છે.

મુંબઈમાં આ વખતની મોસમમાં અત્યાર સુધીમાં અમુક દિવસોએ અતિ ભારે વરસાદ પડ્યો હતો. સરેરાશ મુજબ પ્રતિ દિવસ 50 મિ.મી. વરસાદ પડ્યો છે.

મુંબઈને પીવાનું પાણી પૂરું પાડતા જળાશયોમાં જળસપાટી ખાસ્સી એવી વધી છે અને જળાશયો 75 ટકા ભરાઈ ગયા છે. જોકે ગયા વર્ષે આ જ સમયગાળા વખતે આનાથી વધારે વરસાદી પાણી આવ્યું હતું. શહેરમાં ચોમાસું હજી પૂરું થયું નથી અને હજી વધારે વરસાદ પડવાની સંભાવના હોવાથી જળાશયોમાં નવું પાણી આવવાની ધારણા છે.

મુંબઈના હાઈડ્રોલિક એન્જિનીયરના વિભાગ તરફથી મળેલી માહિતી મુજબ 18 ઓગસ્ટ, 2020ની સવારે મુંબઈના સાત જળાશયોમાં જળસપાટી આ મુજબ હતીઃ