મુંબઈઃ મસ્જિદના લાઉડસ્પીકરોમાંથી વગાડવામાં આવતી અઝાન સામે પોતે હનુમાન ચાલીસા વગાડશે એવું નિવેદન કરીને મહારાષ્ટ્ર નવનિર્માણ સેના પાર્ટીના વડા રાજ ઠાકરેએ ખળભળાટ મચાવ્યો છે ત્યારે મહારાષ્ટ્રના ગૃહ પ્રધાન દિલીપ વલસે-પાટીલે મસ્જિદોના સંચાલકોને કહ્યું છે કે તેઓ કાયદેસર પરવાનગીને પાત્ર અવાજ-મર્યાદાની અંદર રહીને અઝાન માટે લાઉડસ્પીકરોનો ઉપયોગ કરે. આ જાણકારી શિવસેના પાર્ટીના નેતા અને રાજ્યસભાના સદસ્ય સંજય રાઉતે આપી છે.
ગૃહ પ્રધાન પાટીલે અઝાન વગાડવા માટે અવાજનું સ્તર કેટલું હોવું જોઈએ એ દર્શાવતી એક નોટિસ પણ બહાર પાડી છે, જેથી મસ્જિદોના સંચાલકોને તે ખ્યાલમાં રહે.
