મુંબઈઃ કાંદિવલી એજ્યુકેશન સોસાયટી (કેઈએસ) સંચાલિત ‘ગુજરાતી ભાષાભવન’ અને પરિવર્તન પુસ્તકાલય દ્વારા આવતી ૧૨ ઓગસ્ટના શનિવારની સાંજે વરસાદના વિષયને હળવાશ અને હાસ્ય સાથે આવરી લઈને એક સાહિત્યલક્ષી, રસપ્રદ કાર્યક્રમનું આયોજન કરવામાં આવ્યું છે. તેની પરિકલ્પના અને સંકલન: પ્રા. ડૉ. કવિત પંડ્યાના છે. આ કાર્યક્રમનું શિર્ષક છે, ‘વરસાદી સાંજે હાસ્યની હેલી.’
આ કાર્યક્રમમાં આ પાંચ હાસ્ય લેખનું ગદ્યપઠન થશેઃ
1) વરસાદ અને વહુ – ચંદ્રકાંત શેઠ
2) પ્રિય સખી અને ગરમાગરમ ભજિયા – બકુલ ત્રિપાઠી
3) વરસાદ – મધુસુદન પારેખ
4) પોતપોતાનો વરસાદ – વીનેશ અંતાણી
5) વર-સાદ
આ ઉપરાંત ચાર વરસાદી કવિતાઓનું પણ પઠન થશે. વિષયના કેન્દ્રમાં વરસાદ અને હાસ્ય રહેશે.
આ તમામના પઠનકર્તાઓમાં મીનળ પટેલ, યામિની પટેલ, દીપ્તિબેન રાઠોડ, પ્રા. કવિત પંડ્યા અને નિકીતા પોરિયા અને વત્સલ પૂજારાનો સમાવેશ થશે.
આ પ્રસંગે આવકાર વકતવ્ય ડૉ. દિનકર જોષી આપશે અને કાર્યક્રમનું સંચાલન કીર્તિ શાહ કરશે. રસિકજનોને આમંત્રણ છે. પ્રવેશ નિશુલ્ક છે.
તારીખ: શનિવાર, ૧૨-૦૮-૨૩
સમય: સાંજે ૫ થી ૭
સ્થળ: જયંતીલાલ પટેલ લો કોલેજ, બીજે માળે, ભોગીલાલ ફડિયા રોડ, મથુરદાસ રોડની પાસે, કાંદિવલી રિક્રીએશન કલબની લાઈનમાં, કાંદિવલી-વેસ્ટ, મુંબઈ.
