મુંબઈઃ બોલીવુડની જાણીતી અભિનેત્રી પ્રીતિ ઝીન્ટાએ મુંબઈના બાન્દ્રા (વેસ્ટ) ઉપનગરમાં પોશ ગણાતા પાલી હિલ વિસ્તારમાં રૂ. 17.01 કરોડની કિંમતમાં ફ્લેટ ખરીદ્યો છે. આ ફ્લેટ 1,474 સ્ક્વેર ફીટ કાર્પેટ એરિયાનો છે. કુલ એરિયા 1,721 સ્ક્વેર ફીટ થાય.
ફ્લેટ હજી બાંધકામ હેઠળના મકાનમાં છે. અહીં પ્રતિ સ્ક્વેર ફીટનો ભાવ રૂ. 1.15 લાખ છે. પ્રીતિને બે કાર પાર્કિંગ સ્પેસ મળશે. ફ્લેટ ટાવરના 11મા માળ પર આવેલો છે. પ્રીતિએ આ ખરીદી માટે રૂ. 85.07 લાખની રકમની સ્ટેમ્પ ડ્યૂટી ચૂકવી છે.
પ્રીતિ આઈપીએલ ટીમ કિંગ્સ ઈલેવન પંજાબની સહ-માલિકણ છે. એની કુલ સંપત્તિ આશરે રૂ. 110 કરોડ હોવાનું મનાય છે.
