ઢોલીવૂડના સુપરસ્ટાર મલ્હાર ઠાકર અને અભિનેત્રી પૂજા જોષી જીવનનો નવો અધ્યાય શરૂ કરવા જઈ રહ્યાં છે. થોડા દિવસ પહેલા સોશિયલ મીડિયા પર મલ્હાર અને પૂજાએ લગ્નની જાહેરાત કરી હતી. લગ્નની વાત થતાં જ ગુજરાતી ફિલ્મ ઈન્ડસ્ટ્રીના સેલેબ્સ અને ચાહકો બંનેને શુભકામનાઓ પાઠવી રહ્યા છે. હવે આ કપલે લગ્નની તારીખ પણ જાહેર કરી દીધી છે.
મલ્હાર ઠાકર અને પૂજા જોષીએ એક વીડિયો શેર કરી લગ્નની તારીખ જાહેર કરી છે. બંને આગામી 26 નવેમ્બરે લગ્નના બંધનમાં બંધાવા જઈ રહ્યા છે. તેમણે લગ્નને #majaniwedding હૅશટેગ આપ્યું છે. વીડિયોની શરૂઆતમાં જ આ હૅશટેગ સાથે થાય છે. તેમજ બંનેની મુલાકાત કેવી રીતે થઈ? કેવી રીતે પ્રેમમાં પડ્યા? આ લવ સ્ટોરી ક્યાંથી શરૂ થઈને લગ્ન સુધી પહોંચી એ તમામ બાબતો વીડિયોમાં જોવા મળે છે.
View this post on Instagram
વીડિયોના કેપ્શનમાં લખવામાં આવ્યું છે કે “હરખ ની હેલી અને વ્હાલ નું વાવાઝોડું.બન્ને ના પરિવારે ભેગા થઈ ને અમને ‘Save the Date’ નો વિડિયો બનાવવાનું કહેલ છે. (ઈ લોકો ને વોટ્સએપ પર બધા ને ચગાવવું છે) #trend you know guysisss ..!! આ છે એની પ્રસ્તુતિ , આશીર્વાદ ની અપેક્ષા ❤️#MaJa.
નોંધનીય છે કે મલ્હાર ઠાકર અને પૂજા જોષી બંનેએ સ્ક્રીન પર સાથે કામ કર્યું છે. મલ્હાર ઠાકર અને પૂજા જોષીએ સાથે એક વેબ સિરીઝ અને બે ફિલ્મોમાં કામ કર્યું છે.તેમણે વેબ સિરીઝ ‘વાત વાતમાં’ સિઝન વન અને ટૂમાં કામ કર્યું છે. જેમાં તેમની કેમેસ્ટ્રીની ખુબ પ્રશંસા કરવામાં આવી હતી. આ સિવાય તેમણે ફિલ્મ ‘વીર ઈશાનું સિમંત’ સાથે કરી હતી. જેમાં એક યંગ મેરિડ કપલની ભૂમિકા ભજવી હતી. છેલ્લે તેઓ ફિલ્મ ‘લગ્ન સ્પેશ્યલ’માં સાથે જોવા મળ્યા હતાં. આ ફિલ્મ આ જ વર્ષે રિલીઝ થઈ હતી.
