મુંબઈ: 2024ની લોકસભા ચૂંટણીના પાંચમા તબક્કામાં સોમવારે 6 રાજ્યો અને 2 કેન્દ્રશાસિત પ્રદેશોની 49 બેઠકો પર મતદાન થઈ રહ્યું છે. મુંબઈમાં બૉલિવૂડ સ્ટાર્સમાં મતદાનનો ઉત્સાહ સવારથી જ જોવા મળી રહ્યો છે. સવારથી જ અભિનય ક્ષેત્રના દિગ્ગજ ધર્મેન્દ્રથી લઈને ગુલજાર સાહેબ સહિતની હસ્તીઓ મતદાન મથક પર પહોંચી પોતાની ફરજ બજાવી રહ્યાં છે. પરંતુ મહારાષ્ટ્રમાં મતદાનનો આંકડો નિરાશાનજક છે. રાજ્યમાં ખુબ જ ધીમી ગતિએ મતદાન થઈ રહ્યું છે. બપોરે 3 વાગ્યા સુધી મહારાષ્ટ્રમાં 38.77 ટકા જ મતદાન થયું છે. ઓવરઓલ મતદાનનો આંકડો 50.42 ટકા છે. સૌથી વધુ મતદાન પશ્ચિમ બંગાળમાં 62.72% અને સૌથી ઓછું મહારાષ્ટ્રમાં છે.
થાણેના કેટલાક મતદાન કેન્દ્રો પર પણ EVMમાં ખામી સર્જાઈ હોવાના અહેવાલ હતાં. સવારે મુલુંડ અને પવઈમાં ઈવીએમમાં સમસ્યા ઉભી થઈ હતી. મહારાષ્ટ્રમાં કુલ મતદાન 38. 77 ટાક જ થયું છે. મુંબઈની વિવિધ સીટો પર મતદાનના આંકડા જોઈએ…
મુંબઈ નોર્થ- 39.33 ટકા મતદાન
મુંબઈ નોર્થ સેન્ટ્રલ- 37.66 ટકા મતદાન
મુંબઈ નોર્થ ઈસ્ટ- 39.15 ટકા મતદાન
મુંબઈ નોર્થ વેસ્ટ- 39.15 ટકા મતદાન
મુંબઈ સાઉથ- 36.64 ટકા મતદાન
મુંબઈ સાઉથ સેન્ટ્રલ- 38.77 ટકા મતદાન
નાસિકમાં 39.41 ટકા, પાલઘરમાં 42.48 ટકા અને થાણેમાં 36.07 ટકા મતદાન થયું છે. નાસિકમાં એક મતદાન કેન્દ્ર પર નિર્દલિય ઉમેદવારે વોટિંગ મશીન પર માળા ચઢાવી હતી. ત્યાર બાદ તે ઉમેદવાર વિરુદ્ધ FIR દાખલ કરવામાં આવી છે. ઉમેદવારનું નામ શાંતિગિરી મહારાજ છે.
