મુંબઈ: ચૂંટણી પંચે બુધવારે કહ્યું કે 20 મેના રોજ લોકસભા ચૂંટણીના પાંચમા તબક્કામાં મહારાષ્ટ્રની 48 લોકસભા સીટોમાંથી 13 પર અંતિમ મતદાન 56.89 ટકા થયું હતું. આ બેઠકો પર, ડિંડોરી, ધુલે, નાસિક, પાલઘર, કલ્યાણ, ભિવંડી, થાણે, મુંબઈ ઉત્તર, મુંબઈ ઉત્તર પૂર્વ, મુંબઈ ઉત્તર પશ્ચિમ, મુંબઈ ઉત્તર મધ્ય, મુંબઈ દક્ષિણ મધ્ય અને મુંબઈ દક્ષિણ સામેલ છે. 2019માં સરેરાશ 55.38 ટકા મતદાન થયું હતું.
આ આંકડો સોમવારે મોડી રાત્રે જ્યારે મતદાન થયું ત્યારે જાહેર કરાયેલા 54.33 ટકા મતદાનથી 2.56 ટકાનો વધારો છે. રાજ્ય ચૂંટણી કાર્યાલયના જણાવ્યા અનુસાર, નાસિક જિલ્લાના ડિંડોરી લોકસભા ક્ષેત્રમાં 66.75 ટકા મતદાન નોંધાયું હતું, જે સૌથી વધુ છે. પાલઘરમાં 13 બેઠકો પર 63.91 ટકા મતદાન થયું હતું. નાસિક સંસદીય મતવિસ્તારમાં અંતિમ મતદાન 60.75 ટકા, ધુલેમાં 60.21 ટકા અને કલ્યાણ 50.12 ટકા તો ભિવંડીમાં 59.89 ટકા મતદાન થયું છે.
મહારાષ્ટ્રમાં પહેલા તબક્કામાં 63.71 ટકા, બીજા તબક્કામાં 62.71 ટકા, ત્રીજા તબક્કામાં 63.55 ટકા, ચોથા તબક્કામાં 62.21 ટકા મતદાન થયું હતું. જ્યારે 20 મેના રોજ પાંચમાં તબક્કામાં પ્રાથમિક અંદાજ મુજબ ૫૪.૨૯ ટકા મતદાન થયું હતું. મુંબઈની છ લોકસભા બેઠકમાં 99,38,621 મતદારો છે જેમાંથી અંદાજિત 48.36 ટકા લોકોએ મતદાન કર્યું હતું.અહીં નોંધવું રહ્યું કે પરપિણામ 4 જૂને મતણતરી થયા બાદ આવશે.
ક્યાં કેટલું મતદાન
મુંબઈ નૉર્થ સેન્ટ્રલમાં 51.42 ટકા
મુંબઈ નૉર્થ ઈસ્ટમાં 53.75 ટકા
મુંબઈ નૉર્થ વેસ્ટમાં 53.67 ટકા
મુંબઈ નૉર્થમાં 55.21 ટકા
મુંબઈ સાઉથમાં 47.70 ટકા
મુંબઈ સાઉથ સેન્ટ્રલમાં 51.88 ટકા
