ભારતીય ક્રિકેટ ટીમના બેટ્સમેન અને દિલ્હી કેપિટલ્સના ખેલાડી કેએલ રાહુલ અને આથિયા શેટ્ટી તાજેતરમાં જ માતા-પિતા બન્યા છે. આલિયા અને દીપિકાની જેમ, આથિયા શેટ્ટી પણ એક પુત્રીની માતા બની ગઈ છે. તેણીએ એક સુંદર બાળકીને જન્મ આપ્યો. કેએલ રાહુલથી લઈને સુનીલ શેટ્ટી સહિત પરિવારના તમામ સભ્યો બેબી ગર્લના આગમનથી હરખમાં છે. હવે આ બાળકીની ઝલક સાથે કેએલ રાહુલ અને આથિયા શેટ્ટીએ દુનિયાને તેમની પુત્રીનું નામ જણાવી દીધું છે. સુનીલ શેટ્ટીની પૌત્રીનું નામ ખૂબ જ અનોખું છે એમ કહેવું ખોટું નથી.
દીકરીનું નામ શું છે?
કેએલ રાહુલના જન્મદિવસના ખાસ પ્રસંગે આથિયા શેટ્ટીએ તેની પુત્રીની પહેલી ઝલક દુનિયાને બતાવી છે. આ સાથે તેમણે પોતાની પુત્રીનું નામ પણ જાહેર કર્યું છે. આ પોસ્ટમાં એક ખાસ તસવીર પોસ્ટ કરવામાં આવી છે, જેમાં કેએલ રાહુલ પોતાની દીકરીને ખોળામાં પકડીને બેઠો છે અને સામે ઉભેલી આથિયા તેને હળવેથી સ્પર્શ કરી રહી છે. તસવીર ખૂબ જ સુંદર છે. આ સાથે તેણે કેપ્શનમાં તેની પુત્રીનું નામ જાહેર કર્યું, જેનું નામ ઇવારા છે. કેપ્શનમાં તેણે લખ્યું, ‘આપણી બાળકી, આપણું બધું. ઇવારા – ભગવાનની ભેટ.’
View this post on Instagram
નામનો અર્થ શું છે?
દીકરીના નામનો અર્થ કેપ્શન પરથી જ સ્પષ્ટ થઈ ગયો છે. આથિયા અને કેએલ રાહુલે તેમની દીકરીને ભગવાનની ભેટ કહી અને તેના નામનો અર્થ પણ એ જ છે. માર્ચમાં, આથિયાએ ઇન્સ્ટાગ્રામ પર એક સુંદર પોસ્ટ દ્વારા ચાહકો સાથે તેની પુત્રીના જન્મના સારા સમાચાર શેર કર્યા હતાં. અભિનેત્રીએ સોશિયલ મીડિયા પર પોતાની ગર્ભાવસ્થાની જાહેરાત પણ કરી હતી અને તે સતત પોતાની ગર્ભાવસ્થાના ફોટા બતાવી રહી હતી.
આથિયા શેટ્ટી અને કેએલ રાહુલે 23 જાન્યુઆરી, 2023 ના રોજ સુનીલ શેટ્ટીના ખંડાલાના ફાર્મહાઉસમાં ખાનગી લગ્ન કર્યા હતા. નવેમ્બર 2024 માં, બંનેએ તેમની ગર્ભાવસ્થાની જાહેરાત કરી. સોશિયલ મીડિયામાં જાહેરાત કરતાં તેમણે લખ્યુ હતું કે,’આપણા સુંદર આશીર્વાદ ટૂંક સમયમાં આવી રહ્યા છે, 2025.’
