નવી દિલ્હીઃ એક જ દવા માટે અલગ-અલગ કંપનીઓના ભાવમાં આકાશ-જમીન જેટલો ફરક દેખાતો હોતો, હવે એ સમસ્યા નહીં રહે. કેન્દ્ર સરકારે હવે વિવિધ બીમારીઓ માટે ઉપયોગમાં લેવાતી 41 દવાઓના મહત્તમ રિટેલ ભાવ (MRP) નક્કી કરી દીધા છે. હવે દવા કંપનીઓ આ નક્કી થયેલા ભાવથી વધારે ભાવે દવા વેચી શકશે નહીં.
હા, કંપનીઓને MRP સિવાય GST અલગથી વસૂલવાની મંજૂરી આપવામાં આવી છે, પરંતુ તેની વસૂલી કરતાં પહેલાં તેમને સરકારને GST ભરવો પડશે. આ 41 દવાઓમાં મોટા ભાગે તાવ, દુખાવો અને ડાયાબિટીસ જેવી રોજબરોજ ઉપયોગમાં આવતી દવાઓ સામેલ છે.
સરકારે દરેક દુકાનદાર અને ડીલરને આદેશ આપ્યો છે કે દવા ઉત્પાદક કંપની તરફથી મળેલી ભાવયાદી એવી જગ્યા પર લગાવવી પડશે જ્યાંથી ગ્રાહકો તેને સરળતાથી જોઈ શકે. નેશનલ ફાર્માસ્યુટિકલ પ્રાઇસિંગ ઓથોરિટી (NPPA) એ આ અંગે નોટિફિકેશન પણ જારી કર્યું છે.
નોટિફિકેશનમાં શું કહ્યું છે?
NPPAના નોટિફિકેશનમાં જણાવ્યું છે કે 41 પ્રકારની “નવી દવાઓ”ના મહત્તમ ભાવ દવા ઉત્પાદક કંપનીએ નક્કી કરવા પડશે. આ રિટેલ ભાવ પર GST ભરીને જ કંપનીએ દવા વેચવાની રહેશે. આ દવાઓ તાવ, દુખાવો, સ્ટ્રેસ, હ્રદયરોગ અને ડાયાબિટીસ જેવી લાઈફસ્ટાઈલથી જોડાયેલી બીમારીઓ માટે વપરાતી છે.
નિયમોનું પાલન નહીં થાય તો થશે દંડ
NPPAએ વધુમાં જણાવ્યું છે કે દુકાનમાં ગ્રાહકોને ભાવ સ્પષ્ટ રીતે દેખાય એ માટે ભાવયાદી લગાવવી ફરજિયાત છે. જે દવા ઉત્પાદક કંપનીઓ સરકારના નિયમોનું પાલન કરશે, એમના માટે જ આ MRP નિયમ લાગુ પડશે. જો કોઈ પણ દુકાનદાર કે ઉત્પાદક કંપની આ નિયમોનું ઉલ્લંઘન કરશે, તો સરકાર તેમને વધારાના વસૂલાયેલા રકમ પર વ્યાજ સાથે રિફંડ કરાવશે.
આ દવાઓ માટે નક્કી થયા ભાવ
• Alginate Raft Forming Oral Suspension
• Atorvastatin & Ezetimibe Tablets
• Atorvastatin & Ezetimibe Tablets
• Ceftriaxone, Sulbactam & Disodium Edetate Powder for solution for Infusion
• Cefuroxime & Potassium Clavulanate Tablets
• Cholecalciferol Oral Drops
• Iron, Folic Acid & Cyanocobalamin Syrup
• Melatonin & Zolpidem Tartrate Tablets
• Polmacoxib & Paracetamol Tablets
• Empagliflozin & Metformin Hydrochloride (ER) Tablets
• Empagliflozin & Metformin Hydrochloride Tablets
• Sitagliptin, Glimepiride & Metformin Hydrochloride Tablets
• Phenylephrine Hydrochloride & Chlorpheniramine Maleate Syrup
