IPL 2025 : મેચમાં વિલન બન્યો વરસાદ, મુંબઈની પહેલા બેટિંગ

IPL 2025 ના ક્વોલિફાયર 2 મેચમાં આજે મુંબઈ ઈન્ડિયન્સ (MI) અને પંજાબ કિંગ્સ (PBKS) ટકરાઈ રહ્યા છે. આ મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. આ મેચમાં ટોસ જીત્યા બાદ, પંજાબે પહેલા બોલિંગ કરવાનો નિર્ણય લીધો છે. પરંતુ વરસાદના પગલે મેચ શરુ થવામાં મોડું થઈ રહ્યું છે. હાલમાં અમદાવાદમાં વરસાદના પગલે મેચ શરૂ થઈ શકી નથી.

આ મેચ સેમિફાઇનલ જેવી હશે, જ્યાં બંને ટીમોની હારનો અર્થ ટુર્નામેન્ટમાંથી બહાર થઈ જશે. પરંતુ વિજેતા ટીમ 3 જૂને ફાઇનલમાં RCB સામે સીધી ટક્કર લેશે. રોયલ ચેલેન્જર્સ બેંગ્લોર (RCB) સામે એકતરફી ક્વોલિફાયર 1 માં આઠ વિકેટથી હાર બાદ પંજાબ કિંગ્સનો આત્મવિશ્વાસ થોડો ડગમગી ગયો છે. હવે કેપ્ટન શ્રેયસ ઐયરની આગેવાની હેઠળની આ ટીમ પોતાનું પહેલું IPL ટાઇટલ જીતવાની આશાઓ માટે ‘કરો યા મરો’ની સ્થિતિમાં પહોંચી ગઈ છે.

બીજી તરફ, મુંબઈ ઇન્ડિયન્સે એલિમિનેટરમાં ગુજરાત ટાઇટન્સને હરાવીને પોતાના છઠ્ઠા ટાઇટલ તરફ વધુ એક પગલું ભર્યું. ઇતિહાસ દર્શાવે છે કે મુંબઈ ઈન્ડિયન્સ પાસે IPL નોકઆઉટના આ માર્ગમાં પંજાબ કિંગ્સ અને અન્ય ટીમો કરતાં રમવાનો વધુ અનુભવ છે, અને આ જ બાબત હાર્દિક પંડ્યાની આગેવાની હેઠળની ટીમને આ મેચમાં થોડી સરસાઈ આપે છે.

જાણો કોનો હાથ ઉપર છે

ઈન્ડિયન પ્રીમિયર લીગમાં, મુંબઈ ઈન્ડિયન્સ અને પંજાબ કિંગ્સ વચ્ચે હંમેશા રોમાંચક યુદ્ધ રહ્યું છે. IPLમાં બંને ટીમો વચ્ચે અત્યાર સુધીમાં 33 મેચ રમાઈ છે, જેમાં મુંબઈ ઈન્ડિયન્સે 17 અને પંજાબ કિંગ્સે 16 મેચ જીતી છે. છેલ્લી 5 મેચમાં, પંજાબ કિંગ્સનો હાથ ઉપર રહ્યો છે, 3 મેચ જીતી છે.

મુંબઈ ઈન્ડિયન્સ (પ્લેઈંગ ઈલેવન)

રોહિત શર્મા, જોની બેયરસ્ટો (વિકેટકીપર), સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, મિશેલ સેન્ટનર, રાજ બાવા, ટ્રેન્ટ બોલ્ટ, જસપ્રીત બુમરાહ, રીસ ટોપલી.

પંજાબ કિંગ્સ (પ્લેઇંગ ઇલેવન)

પ્રિયાંશ આર્ય, જોશ ઇંગ્લિસ (વિકેટકીપર), શ્રેયસ ઐયર (કેપ્ટન), નેહલ વાઢેરા, માર્કસ સ્ટોઇનિસ, શશાંક સિંઘ, અઝમતુલ્લા ઉમરઝાઈ, કાયલ જેમિસન, વિજયકુમાર વૈશાક, અર્શદીપ સિંહ, યુઝવેન્દ્ર ચહલ.

RELATED ARTICLESMORE FROM AUTHOR